U Minsku zatrymali biespracoŭnaha, jaki teraryzavaŭ školnika
19-hadovy chłopiec patrabavaŭ u vučnia 10-ha kłasa hrošy i nieadnarazova jaho źbivaŭ.
Jak paviedamlaje pres-słužba staličnaj milicyi, spačatku chulihan patrabavaŭ hrošy ŭ padletka ŭ kaviarni. Ale jaho tam zatrymała achova i złamyśnik trapiŭ pad administracyjny aryšt. Paśla vychadu na volu chłopiec znajšoŭ školnika praź internet i pryznačyŭ jamu sustreču, nibyta, kab prynieści prabačeńni.
Adnak na sustrečy jon zajaviŭ, što vymušany byŭ zapłacić štraf, tamu školnik musić kampiensavać i materyjalnyja, i maralnyja straty dy nazvaŭ canu — 1 młn 200 tysiač rubloŭ.
U toj raz padletak uciok.
Praź niekalki dzion chulihan sustreŭ chłopca i dvojčy źbiŭ jaho, adnak byŭ zatrymany milicyjaj. Jamu pahražaje termin za vymahalnictva.
