Pradstaŭnicy Biełarusi Alenie Łanskoj na mižnarodnym piesiennym konkursie
«Heta nie jaje vina, tak skłalisia abstaviny. Vopyt vystupaŭ na vialikich placoŭkach prychodzić z hadami. Publika zaŭsiody adčuvaje niaŭpeŭnienaść artysta.
Naprykład, padčas paŭfinału ŭ Alony byŭ adsutny pohlad, ruchałasia jana na aŭtapiłocie. Było vidać, što jana vielmi mocna chvalavałasia. Jano i zrazumieła, bo konkurs — surjoznaje vyprabavańnie.Treba vałodać jarka vyjaŭlenaj charyzmaj, kab supraćstajać nacisku, što idzie na ciabie», — skazała Ina Afanaśjeva. U toj ža čas jana adznačyła, što Biełaruś pradstaviła svaju pieśniu hodna, u numary adčuvałasia vialikaja praca. Da taho ž, Alona prademanstravała vialikuju siłu voli, vystupiŭšy na scenie «Jeŭrabačańnia».
Havoračy ab pieramožcy konkursu datčancy Emili de Forest, Ina Afanaśjeva vykazała sumnieŭ nakont jaje tryumfu.«Kali ŭ minułym hodzie lidar (šviedka Łaryn. — Zaŭvaha. BIEŁTA) byŭ vidavočny, ciapier usio było vielmi sprečna, choć, heta sprava hustu. Mnie spadabalisia pradstaŭnik Azierbadžana Faryd Mamiedaŭ i ŭkrainskaja vykanaŭca Złata Ahnievič. Darečy, ukraincy — vielmi ŭpeŭnienaja ŭ sabie nacyja. Nie važna, kolki hetaj dziaŭčyncy hadoŭ. Jana vyjšła na scenu i ŭ joj adčuvałasia mahutnaja enierhietyka. Nam, biełarusam hetaha nie chapaje», — skazała Ina Afanaśjeva.
Razam z tym zasłužanaja artystka Biełarusi adznačyła, što da padobnych forumaŭ treba stavicca spakajniej.Takija fiestyvali — vydatnaja mahčymaść dla artysta pahutaryć, pašyryć aŭdytoryju i nabyć kałasalny vopyt. «Dla tvorčaha čałavieka heta dobraja mahčymaść siabie realizavać i padniać svoj prafiesijny ŭzrovień, jaki ŭ dalejšym dapamoža zajavić pra siabie», — skazała jana.
0
0
0
0
0
0
