Siaredni zarobak u Biełarusi da kanca 2013 hoda moža skłaści Br5 ,5-6 młn. pry dasiahnieńni zapłanavanaha pakazčyka vyručki na adnaho zaniataha ŭ ekanomicy.
Hetaja tema abmiarkoŭvałasia siońnia na sustrečy Alaksandra Łukašenki ź vice-premjeram Piatrom Prakapovičam, paviedamlaje BIEŁTA.
Łukašenka pastaviŭ zadaču ŭžo ŭ hetym hodzie vykanać usie pakazčyki, nieabchodnyja dla taho, kab u 2015 hodzie harantavana atrymać vyručku na adnaho zaniataha ŭ ekanomicy ŭ pamiery nie mienš jak $60 tys.
Heta aznačaje, što ŭ 2013 hodzie hety pakazčyk pavinien skłaści nie mienš jak $48 tys., dla čaho nieabchodna pavialičyć vyručku na adnaho zaniataha ŭ ekanomicy ŭ dalaravym ekvivalencie da ŭzroŭniu minułaha hoda na 20%. U 2014 hodzie hety pakazčyk pavinien ŭzraści da $ 54 tys.
Pa słovach vice-premjera, heta vielmi surjoznaja zadača, adnak praktyčnaja praca ŭrada nakiravana na toje, kab zabiaśpiečyć biezumoŭnaje vykanańnie ŭsich daručeńniaŭ kiraŭnika dziaržavy.
«Dasiahnieńnie zapłanavanaj vyručki na adnaho zaniataha ŭ ekanomicy dazvolić nam užo ŭ hetym hodzie značna pavysić žyćciovy ŭzrovień nasielnictva, u tym liku davieści siaredniuju zarpłatu da Br5,5—6 młn da kanca hoda, i zakładzie asnovy dla nastupnaha hoda», — adznačyŭ Piotr Prakapovič.
