Chitom prodažaŭ u Polščy stała nastolnaja hulnia «Čarha» («Kolejka»). Meta hulni: kupić usio. Hulcy čakajuć u čerhach la dziaržaŭnych kramaŭ, adciskajuć tych, chto sprabuje ŭleźci biez čarhi i handlujucca z farcoŭščykami. U 40-staronkavym buklecie ź instrukcyjaj aŭtary papiaredžvajuć, što padčas hulni ŭ hulcoŭ mohuć uźniknuć takija admoŭnyja reakcyi, jak «ślozy biaśsilla» abo «zuboŭny skryhat». Stvaralnik i hałoŭny dyzajnier Karal Madej kaža, što vyrašyŭ ŭvasobić u hulniu praces nabyćcia tavaraŭ u sacyjalistyčnaj Polščy — deficyt, narmavańnie pa kartkach i tałonach, čerhi i nizkaprobnyja tavary, vyrablenyja ŭ krainach sacłahiera.
Hulnia stała nastolki papularnaj, što za joj vyciahvalisia sapraŭdnyja čerhi, a pad upłyvam hetaj hulni źjaviłasia jašče adna — pad nazvaj «Vas tut nie stajała».