U finale futbolnaj Lihi čempijonaŭ 25 maja zhulajuć dva niamieckija kłuby.
Siońnia viečaram «Bavaryja» ŭ haściach pieramahła «Barsiełonu» ź likam 3:0 (Robien, 49, Pikie, 71-aŭtahoł, Miuler, 75).
Nahadajem, što tydzień tamu ŭ Miunchienie bavarski kłub razhramiŭ katałoncaŭ ź likam 4:0, ahulny lik 7:0.
Pieršy paŭfinalist vyznačyŭsia ŭ aŭtorak: pa sumie dvuch matčach «Barusija» Dortmund pieramahła «Reał» — 4:1, 0:2.
Takim čynam finał budzie niamieckim: «Bavaryja» Miunchien — «Barusija» Dortmund. Jon projdzie 25 maja (heta budzie subota) ŭ Łondanie, na znakamitym «Uembli».
«Bavaryja» pieramahała ŭ Lizie čempijonaŭ čatyry razy: 1974, 1975, 1976, 2001. «Barusija» ŭ 1997 h.
Nahadajem, taksama, što «Bavaryja» była supiernikam BATE pa hrupavym turniry Lihi čempijonaŭ, i biełaruski kłub pieramoh u Minsku 2 kastryčnika ź likam 3:1 (Paŭłaŭ, 23, Radzivonaŭ, 78, Bresan, 90+4— Rybiery, 90+1),
u Miunchienie 5 śniežnia bavarcy ŭziali revanš — 4:1 (Homies, 22, Miuler, 54, Šakiry, 65, Ałaba, 83 — Filipienka, 89).
Vy za kaho: «Bavaryja» ci «Barusija»?
