A 11-j sabrałasia kala 150 čałaviek. Ludzi niasuć ściahi.
Ludzi iduć pa chodnikach. Niasuć płakaty: «Narodny kantrol: vybary, hrošy, ułada», «Siońnia rasijskaja vajskovaja baza, zaŭtra – 22 červienia», «Košt navučańnia u VNU pryviaziać da ŭzroŭniu inflacyi». Čas ad času skandujuć «Žyvie Biełaruś!»
12:17
Demanstracyja skončyłasia, ludzi pačali razychodzicca. Šeście dajšło da płoščy Lenina da abłvykankama. Z pramovaj vystupiŭ kiraŭnik miascovaj filii BSDP(H) Ihar Masłoŭski. Pa padlikach arhanizataraŭ u demanstracyi, u joj pryniali ŭdzieł kala 200 čałaviek.
Ludzi prychodzili siemjami razam ź dziećmi.
Łunali bieł-čyrvona-biełyja ściahi, partyjnyja sacyjał-demakratyčnyja, a taksama ściahi kamunistyčnyja i BSSR.
Zatrymańniaŭ nie było.Milicyja i ludzi ŭ cyvilnym z kamierami supravadžali i zdymali demanstrantaŭ na praciahu šeścia.
***
Ułady Bresta dazvolili Biełaruskaj sacyjał-demakratyčnaj partyi (Hramada) pravieści demanstracyju za sacyjalna-ekanamičnyja pravy.
Maršrut: Praśpiekt Mašerava ad skryžavańnia z bulvaram Kasmanaŭtaŭ — vulica Lenina — haradski park.
Bresckaja abłasnaja arhanizacyja Partyi BNF padtrymała hetuju demanstracyju z metaj abjadnańnia vysiłkaŭ hramadzian u baraćbie za svaje sacyjalna-ekanamičnyja pravy i zaklikała svaich prychilnikaŭ uziać aktyŭny ŭdzieł u joj, kab vykazać pratest suprać nizkaha ŭzroŭniu žyćcia nasielnictva i rostu cenaŭ.
