Prakuratura Homielskaj vobłaści padała ŭ sud iskavuju zajavu ab admienie ŭsynaŭleńnia ŭ dačynieńni da dvuchhadovaha Vani Cimašenki ź vioski Lipaŭ Kalinkavickaha rajona. Pra heta ŭ intervju paviedamiła pamočnik prakurora vobłaści pa spravach niepaŭnaletnich i moładzi Viera Zamojskaja.
Prakuratura prosić admianić rašeńnie suda ab usynaŭleńni dziciaci i pieradać jaho orhanam apieki i papiačycielstva.23 krasavika pavinna było adbycca sudovaje pasiadžeńnie pa isku, ale jaho pieranieśli ŭ suviazi z tym, što baćka dziciaci znachodzicca zaraz z chłopčykam na reabilitacyi. Pavodle słoŭ pamočnika prakurora, iskavaja zajava była padadziena ŭ intaresach dziciaci — baćki niedahledzieli chłopčyka, jon atrymaŭ traŭmu. A pavodziny baćkoŭ, u pryvatnaści maci, užo paśla atrymańnia dziciem traŭmy i špitalizacyi śviedčać pra toje, što, chutčej za ŭsio, jany nie zmohuć zabiaśpiečyć u dalejšym naležny dohlad za chvorym chłopčykam.
«Vyrašać pytańnie ab admienie ŭsynaŭleńnia budzie sud. Maci ŭ siłu nieparazumieńnia niedastatkova hladzieła za chłopčykam.Zaraz, kali jon chvory, jana naŭrad ci budzie ŭ stanie zabiaśpiečyć jamu naležny dohlad. Jana niedastatkova była hatova dla ažyćciaŭleńnia baćkoŭskich funkcyj. Prakuratura miarkuje, što niemetazhodna viartać dzicia paśla vypiski ŭ hetu siamju», — rastłumačyła Zamojskaja.
«My apytvali žycharoŭ vioski Lipaŭ, usie dajuć siamji stanoŭčuju charaktarystyku, nichto drenna pra ich nie havaryŭ. Byŭ kantrol i z boku orhanaŭ apieki. Maci kłapaciłasia pra dzicia, časta źviartałasia ŭ miascovuju balnicu pa dapamohu, kuplała chłopčyku ŭsio nieabchodnaje. Ale paśla traŭmy dziciaci i paśla źjaŭleńnia rolika ŭ internecie i nastupnych abvinavačańniaŭ u bok maci ŭ jaje stres. Razam z tym, baćka dziciaci pastajanna znachodzicca ź im u balnicy, jon pryviazany da syna, charaktaryzujecca stanoŭča», — zaznačyła surazmoŭca.Pamočnik prakurora padkreśliła, što pry praviercy było ŭstanoŭlena: zakanadaŭstva ŭ častcy ŭsynaŭleńnia nie było parušana, usie patrabavańni zakona vykanany.
Prakuratura vobłaści taksama padała pradstaŭleńnie ŭ Homielski abłvykankam, u jakim prapanavana roznym upraŭleńniam pryniać miery da niedapuščeńnia takich situacyj u nastupnym. Tak, upraŭleńniu achovy zdaroŭja prapanavana pryniać usie miery pa lačeńni i reabilitacyi dziciaci, upraŭleńniu adukacyi — bolš nadavać uvahi zamiaščalnym siemjam, pryciahnuć da adkaznaści vinavatych asob, znajści dziciaci pryjomnuju siamju i hetak dalej.
Nahadajem, dvuchhadovy Vania Cimašenka ŭ studzieni 2013 hoda trapiŭ u reanimacyju z
