Analiz kryminahiennaj abstanoŭki śviedčyć ab tym, što ŭ pieršym kvartale 2013 hoda kradziažy zastajucca samymi raspaŭsiudžanymi złačynstvami ŭ Minsku,
ich udzielnaja vaha ŭ ahulnym liku zarehistravanych złačynstvaŭ skłała 50,2% (2.736 z 5.455).
Takija źviestki, jak paviedamiŭ staršy pamočnik prakurora Minska Siarhiej Bałašaŭ, byli abnarodavany 24 krasavika na kaardynacyjnaj naradzie pa baraćbie sa złačynnaściu i karupcyjaj, što prajšła ŭ haradskoj prakuratury.
Narada była pryśviečana praktycy vyrašeńnia zajaŭ i paviedamleńniaŭ ab kradziažach, u tym liku na abjektach handlu, rasśledavańnia i sudovaha razhladu kryminalnych spraŭ hetaj katehoryi, a taksama mieram pa prafiłaktycy kradziažoŭ.
U paraŭnańni z anałahičnym pieryjadam 2012 hoda kolkaść kradziažoŭ skaraciłasia na 25,3%.Tendencyja źnižeńnia kolkaści kradziažoŭ prasočvajecca na praciahu apošnich piaci hadoŭ i, jak adznačali ŭdzielniki narady, źjaŭlajecca vynikam metanakiravanaj pracy, što pravodzicca pravaachoŭnymi orhanami pa papiaredžańni i prafiłaktycy hetaha vidu złačynstvaŭ.
U struktury kradziažoŭ asnoŭnuju masu składajuć kradziažy z aŭtamašyn — 832 (30,4%), z adzieńnia i ručnoj pakłažy — 682 (24,9%), srodkaŭ mabilnaj suviazi — 378 (13,8%) i kradziažy z žylla hramadzian — 432 (15,8%), ź ich 312 kradziažoŭ z kvater hramadzian učynieny šlacham svabodnaha dostupu.
Na abjektach handlu ŭčynieny 362 kradziažy, ź jakich bolšuju častku składajuć kradziažy z adzieńnia i ručnoj pakłažy naviedvalnikaŭ. Za ŭčynieńnie drobnych kradziažoŭ majomaści na abjektach handlu składzieny 1.381 pratakoł ab administracyjnym pravaparušeńni.
Pa-raniejšamu niedastatkovym źjaŭlajecca raskryćcio kradziažoŭ, jakoje składaje tolki 21%.
Na naradzie adznačałasia, što pry vyrašeńni ŭ padraździaleńniach HUUS Minharvykankama zajaŭ i paviedamleńniaŭ ab kradziažach majomaści raspaŭsiudžany fakty paviarchoŭnaha praviadzieńnia pravierak i pryniaćcia niezakonnych rašeńniaŭ ab admovie ŭ raspačynańni kryminalnaj spravy. Pry praviadzieńni pravierak nie prymajucca ŭsie nieabchodnyja miery pa ŭstanaŭleńni koštu vykradzienaj majomaści, da svoječasovaha prahladu videazapisaŭ kamier videanazirańnia na handlovych abjektach i ŭstanaŭleńni asob, jakija nie zabiaśpiečyli zachavanaść majomaści.
Orhanami prakuratury Minska admieniena 150 pastanoŭ ad admovie ŭ raspačynańni kryminalnych spraŭ, pryniatych padraździaleńniami HUUS pa zajavach i paviedamleńniach ab kradziažach majomaści, u tym liku šeść z adnačasovym raspačynieńniem kryminalnych spraŭ.
Udzielniki narady kanstatavali, što miery, jakija prymajucca orhanami prakuratury i śledčymi orhanami, dazvolili značna palepšyć situacyju z kampiensavańniem uronu, pryčynienaha kradziažami majomaści.Tak, u pieršym kvartale hetaha hoda ŭron pa kryminalnych spravach nazvanaj katehoryi skłaŭ 3,7 młrd. rubloŭ. U chodzie papiaredniaha śledstva kampiensavana 2,5 młrd. rubloŭ, ci 68,5% ad sumy pryčynienaha ŭronu (u pieršym kvartale 2012 hoda — 52,9%). Akramia taho, śledčymi nakładzieny aryšt na majomaść u sumie 1,8 młrd. rubloŭ, što skłała 48,5% ad sumy ŭstanoŭlenaha ŭronu (u pieršym kvartale 2012 hoda — 15,5%).
