Nacyjanalny mastacki muziej Respubliki Biełaruś sumiesna z zamiežnym pryvatnym pradpryjemstvam «Brytyš Amierykan Tabaka Trejdynh Kompani» 8 maja pradstavić ekspazicyi «Partrety ŭładaroŭ i mahnataŭ Vialikaha Kniastva Litoŭskaha» z muziejaŭ Lvova i Łucka i «Słuckija pajasy sa zboru Lvoŭskaha histaryčnaha muzieja».
«Słuckija pajasy sa zboru Lvoŭskaha histaryčnaha muzieja» — adzin z prajektaŭ Dziaržaŭnaj prahramy adradžeńnia technałohij i tradycyj vytvorčaści słuckich pajasoŭ i raźvićcia vytvorčaści nacyjanalnaj suvienirnaj pradukcyi «Słuckija pajasy» na 2012—2015 hady.
Na vystavie buduć pradstaŭleny čatyry ŭnikalnyja pajasy.
Dva ź ich — Słuckaj manufaktury pieryjadu Lavona Madžarskaha ź mietkaj «U horadzie Słucku». U arnamientycy vykarystany raślinnyja matyvy ŭ vyhladzie stylizavanych bukietaŭ kvietak, połki zatkanyja siarebranymi i załatymi nitkami.
Adzin pojas vykanany na fabrycy Franciška Masłoŭskaha (1758-1830) u Krakavie, ab čym śviedčyć mietka na rahu pojasa. Jaho dekaratyŭnaje afarmleńnie całkam adpaviadaje tradycyjam Słuckaj manufaktury. U mastackich adnosinach pojas vykanany ŭ styli ŭschodnich i słuckich uzoraŭ.
Čaćviorty pojas nie maje sihnatur, ale vykanany pa lepšych uzorach tvoraŭ Lavona Madžarskaha. Intensiŭnaja kałarystyčnaja hama, zachavańnie praporcyj, vytančany malunak harantujuć vysokija mastackija jakaści kuntušovaha pojasa. Pakul u kalekcyi Nacyjanalnaha mastackaha muzieja Respubliki Biełaruś jość tolki frahmienty Słuckich pajasoŭ.