23 krasavika maładafrontaŭcu Uładziu Jaromienku patelefanvaŭ učastkovy inśpiektar i prapanavaŭ pryjści da jaho ŭ aporny punkt, patłumačyŭšy, što ŭ junaka majucca nie adbytyja 15 sutak, paviedamlaje sajt mfront.net.
«Ja navat nie viedaju, za što i kali byŭ asudžany. Mahčyma, heta vynik sudovaha pasiedžańnia za parušeńnie previentyŭnaha nahladu, ab jakim mnie nichto nie paviedamiŭ, jak heta było ŭžo raniej. Miarkuju, što takim čynam supracoŭniki siłavych strukturaŭ niejtalizujuć “niebiaśpiečnych” moładzievych aktyvistaŭ pierad Čarnobylskim šlacham. Užo adbyvaje administracyjny aryšt Pavał Vinahradaŭ, zaraz u mianie źjavilisia sutki. Napeŭna, heta nie apošnija previentyŭnyja “miery zabiaśpiačeńnia pravaparadku” pierad akcyjaj na hadavinu katastrofy na Čarnobylskaj AES. Naturalna, što ja nie mahu “biehać” ad hetych sutak, bo za ŭchileńnie ad previentyŭnaha nahladu paduhledžana pazbaŭjeńnie voli na termin da dvuch hod, tamu ŭčastkovy nie chavaje, što ja pajedu z apornaha punktu ŭ izalatar na Akreścina», — kamientuje maładafrontaviec.
Nahadajem, što 15 sakavika 2012 hoda za Uładziem Jaromienkam byŭ ustalavany previentyŭny nahlad terminam na hod. 15 sakavika 2013 hoda nahlad byŭ praciahnuty jašče na paŭhoda. Parušeńnie nahladu pahražaje pazbaŭleńniem voli terminam da 1 hoda.
