Na vystavie «TIBO-2013» Robotics.by sumiesna z Abjadnanym instytutam prablem infarmatyki pakazali niekalki pratatypaŭ madelaŭ univiersalnych mabilnych robataŭ na husieničnych šasi.
Robaty mohuć kiravacca jak pa Wi-Fi abo śpiecyjalnym pratakołam XBee PRO, tak i z dapamohaj pulta dystancyjnaha kiravańnia abo z dapamohaj smartfona.
Z dapamohaj infračyrvonaha datčyka robaty ŭmiejuć nie tolki raspaznavać najaŭnaść pieraškody, ale i typ pieraškody: ściana, prystupka, kałona... Na robatach moža ŭstaloŭvacca videakamiera i hukazapisnaje abstalavańnie, a taksama dadatkovyja sensary i datčyki pry žadańni zakazčyka.
Taksama robaty mohuć asnaščacca hałasavoj sistemaj. Raspracoŭka AIPI paviedamlaje ab typie pieraškody na biełaruskaj movie.
Płata kiravańnia na bazie mikrakantrolera Amtel — ułasnaja raspracoŭka Robotics.by. Karespandentam pakazali i pieršuju, piłotnuju viersiju płaty, sabranuju litaralna «na kalenkach».
Robaty pryznačajucca dla navučalnaha pracesu i dla «technamanaŭ», ale mohuć užo ŭ najbližejšaj budučyni być vykarystany ŭ navukovych i navat vajennych metach.
0
0
0
0
0
0