«Pryjazdžajecie ŭ laśnictva, vam pakazvajuć, dzie možna pravodzić narychtoŭku soku. Heta biaspłatna. Tłumačać usie praviły, bo kali ich parušyć — budzie štraf. I niezaležna ad taho, kolki vam treba: 100 litraŭ ci 10 — narychtoŭvajecie biaspłatna», — tłumačać mnie, jak nazapasić biarozaviku, u Vilejskim lashasie.
Tut pryhadvajuć dvuch parušalnikaŭ, jakija letaś zdabyvali sok biez papiaredžańnia laśničaha. Štraf — da 1 miljona rubloŭ. Ale bolšaść sok usio ž nabyvajuć, bo niadoraha — 600–700 rubloŭ za litr, tłumačać u laśnictvie.
«Mienš prablem: pryjechaŭ u laśnictva, tam usio arhanizavana — nabyŭ i pajechaŭ. A kab samomu zdabyvać, heta čas treba, nie va ŭsie miescy možna dajechać».
U minułym hodzie tut pradali ludziam bolš za 6 tonaŭ biarozaviku.
Zavodam, jakija paśla robiać «doŭhaterminovy» biarozavy sok u papiarovych pakunkach, pradajuć daražej — pa 900 rubloŭ za litr. Bo lashas sam musić razvazić im syravinu.
Pierad tym jak patrapić u kramu, sok prachodzić termaapracoŭku, u jaho dadajecca cukar, tłumačać u kampanii «Savuškin pradukt»:
«Dadajecca pavodle receptury cukar i limonnaja kisłata, bolš ničoha. Vada nie dadajecca, a lažać jon moža da hoda.Ale jość zaraz nie čystyja biarozavyja soki, a miksy:
I ŭpeŭnivaje, što śviežyja biarozavyja soki ŭžo jość u kramie ź minułaha tydniu.
Biarozavik karysny, bo ŭ im šmat mikraelemientaŭ, asabliva dla ludziej z chvorymi nyrkami, adrazu kažalekar-dyjetołah «Ekamiedsiervisa» Maryna Papova:
«Nielha jaho źbirać na ŭzbočynach daroh, nie sa starych drevaŭ. Lepš za ŭsio pierad užyvańniem jaho pasteryzavać: krychu padahravać. Supraćpakazańniaŭ praktyčna niama. Bo nichto ž adrazu nie vypje dva litry soku», — raić Maryna Papova.
Pavodle słoŭ dyjetołaha, samy karysny biarozavy sok — sabrany z dreva, a nie nabyty ŭ kramie. Bo tak jon hublaje častku svaich jakaściaŭ.