«Čarnobylski šlach» u 2012 h.
Pavodle słovaŭ adnaho z zajaŭnikaŭ Anatola Sidareviča, pačatak pieranieśli na 18:30 26 krasavika — heta vyklikana intensiŭnym rucham a 18-j.Adpaviedna šeście i mitynh ssoŭvajucca na paŭhadziny. «U śvietłavy dzień układziemsia», — adznačyŭ Sidarevič.
«Simvoliku dazvolili. Paprasili, kab raściažki adpaviadali zajaŭlenaj tematycy. Dali zrazumieć, što nie pacierpiać raściažak suprać peŭnaj asoby i jaje palityki».
Pa słovach Sidareviča, možna vykarystoŭvaćzarehistravanych ściahoŭ partyj i arhanizacyj.
Arhanizataram paraili mieć adpaviednyja bedžy.
A padchod ź miesca mitynhu da Čarnobylskaj kaplicy na Karastajanava — tolki pa 50 čałaviek sa zhornutymi ściahami i trasparantami.
Zajaŭniki padpisalisia, što niasuć adkaznaść za mahčymyja parušeńni.
«Ja paprasiŭ, kab nie było pravakataraŭ — kursantaŭ akademii MUS i milicejskaj škoły. Bo zdarałasia, što maładyja ludzi vybiahali na darohu (a ja viedaju, što heta kursanty), a mianie paśla štrafavali»,
— skazaŭ Sidarevič.
Pałasu na prajeznaj častcy ad kinateatra «Kastryčnik» da parku Družby narodaŭ nie vydzielili: taksama patłumačyli transpartnaj napruhaj. Dazvolili hukaŭzmacnialnuju aparaturu, ale nichto nie ŭziaŭsia harantavać, što jaje nie zatrymajuć pa darozie da miesca mitynhu. «Milicyja zrabiła vyhlad, što jany tut ni pry čym».
Z arhanizataraŭ «Čarnobylskaha šlachu» vyklučyli pradstaŭnika AHP Źmitra Kavałhina. U Minharvykankamie patłumačyli tym, što nie prajšoŭ hod paśla nakładzienaha na jaho administracyjnaha spahnańnia. Sam Vital pra takoje spahnańnie daviedaŭsia tolki siońnia i pra nijaki sud nie viedaje.
«Čarnobylski šlach-2013» pačniecca ad kinateatra «Kastryčnik» nasuprać Akademii navuk. Zbor pryznačany na 18.30.Šeście projdzie pa vulicy Surhanava da parku Družby narodaŭ, dzie adbudziecca mitynh. Zatym projdzie ŭskładańnie kvietak da Čarnobylskaj kaplicy.
