U Michajłaŭskim skviery Minska padčas akcyi hrupy hramadzian suprać svavolstva ŭładaŭ zatrymanyja milicyjaj videaapieratar infarmacyjnaj kampanii BiełaPAN Siarhiej Saciuk i žurnalist «Radyjo Svaboda» Aleh Hruździłovič.
Jak paśpieŭ raskazać pa telefonie Siarhiej Saciuk, prykładna ŭ 10.15 jaho paprasili prajści ŭ milicejskuju mašynu. Ciapier jon znachodzicca ŭ milicyi, chutčej za ŭsio, Maskoŭskaha rajona. Videaapieratar miarkuje, što jaho adviazuć u pastarunak, dzie prahledziać adźniatyja padčas akcyi materyjały.
Va UUS Maskoŭskaha rajona taksama viazuć Aleha Hruździłoviča.
Arhanizatar pikietu pravaabaronca Tamara Siarhiej raspaviała, što ŭ Michajłaŭski skvier pryjšli 20 čałaviek. Jany mieli namier sustrecca z Łukašenkam i pieradać jamu pasłańnie suprać biezzakońnia ŭ sudach i prakuratury za podpisam 30 čałaviek.Adnak ludzi ŭ cyvilnym vycisnuli ŭdzielnikaŭ akcyi z terytoryi Michajłaŭskaha skviera ŭ bok płoščy Miaśnikova.
Michajłaŭski skvier znachodzicca niedaloka ad Doma ŭrada, dzie ŭ 11.00 pavinna pačacca vystup Alaksandra Łukašenki z pasłańniem da naroda i parłamienta.
Paźniej žurnalistaŭ vypuścili z pastarunka, źniščyŭšy videazapisy.
0
0
0
0
0
0