Ministerstva abarony Biełarusi abnarodavała papiarednija vyniki pravierki ŭ suviazi sa źjaŭleńniem infarmacyi ab parušeńni pavietranaj prastory Litvy biełaruskim vajskovym samalotam.
Jak paviedamili ŭ pres-słužbie abaronnaha viedamstva, ustanoŭlena, što 17 krasavika kala 13.00 radyjotechničnymi srodkami było vyjaŭlena parušeńnie dziaržaŭnaj miažy Biełarusi ŭ pavietranaj prastory ŭ rajonie Hrodna. Dla spynieńnia parušeńnia byŭ zadziejničany źniščalnik MiH-29 sa składu dziažurnych sił pa supraćpavietranaj abaronie, jaki ažyćciaŭlaŭ palot uzdoŭž dziaržaŭnaj miažy. U dalejšym parušeńnie pavietranaj prastory było identyfikavana jak mihracyja čarady ptušak.
U ciapierašni čas dadatkova ažyćciaŭlajecca pravierka materyjałaŭ abjektyŭnaha kantrolu.
Nahadajem, 18 krasavika MZS Litvy pieradaŭ pasolstvu Biełarusi ŭ Vilni notu z prośbaj "dać vyčarpalnuju infarmacyju ab fakcie parušeńnia litoŭskaha pavietranaj prastory samalotam biełaruskich VPS i pryniać miery dla praduchileńnia padobnych incydentaŭ u budučyni".
Jak paviedamiŭ litoŭski MZS, biełaruski Mih-29 17 krasavika ŭ 13.05 parušyŭ pavietranuju prastoru Litvy ŭ rajonie vioski Paharanda Aranskaha rajona. Na terytoryi Litvy samalot prabyŭ kala dźviuch chvilin.
