BMA rychtuje składanki — pra słaŭnyja imiony Biełarusi i nacyjanalnuju simvoliku 2

Kancertna-vydaviecki łejbł «Biełaruskaja Muzyčnaja Alternatyva» («BMAgroup») rychtuje dźvie tematyčnyja składanki piesień — «Pieśni hierojam» i «Simvały svabody».

Pieršy CD budzie pryśviečany kankretnym ludziam i znakavym postaciam našaj historyi i kultury. Admietnaść składanki ŭ tym, što tut buduć sabranyja nie tvory dadzienych asobaŭ, a pieśni-pryśviačeńni im.

Heta albom-trybjut pra tych, kaho pavinien viedać i nasić u sercy kožny biełarus. Vydańnie prymierkavana da 150-ych uhodkaŭ ad pačatku paŭstańnia Kastusia Kalinoŭskaha.

Užo jość pryśviačeńni słavutym postaciam Biełarusi — Kastusiu Kalinoŭskamu, Francišku Bahuševiču, Janku Kupału, Uładzimiru Karatkieviču, Maksimu Bahdanoviču, Jeŭfrasińni Połackaj dy inšym. «Niama pieśni pra tvajho ŭlubionaha hieroja ci asobu, jakoj zachaplaješsia? Dyk napišy pra Łarysu Hienijuš, Franciška Alachnoviča, Sofju Halšanskuju… Šmat hodnych ludziej pryśviacili žyćcio Biełarusi, i našaja ahulnaja zadača — ich hodna ŭšanavać», — zaklikajuć arhanizatary.

Druhaja składanka — pra nacyjanalnyja simvały Biełarusi: bieł-čyrvona-bieły ściah i hierb Pahonia. Na adnym CD buduć sabranyja tvory roznych vykanaŭcaŭ, jakija ŭ roznyja hady źviartalisia da hetaj temy.

«Dałučycca da stvareńnia hetych dyskaŭ moža kožny achvotny. Prapanoŭvajcie pieśni, dasyłajcie vašyja idei dy zaŭvahi, muzyku i teksty. Vykanaŭcy mohuć zaprapanavać svaje raniejšyja abo jašče niepublikavanyja tvory. Vialikaja sprava robicca maleńkimi krokami. Kožny, chto dašle cikavyja prapanovy, atrymaje kampakt-dysk u padarunak», — kaža kiraŭnik BMA Vital Supranovič.

Prapanovy možna dasyłać na e-mail: [email protected].

0

0

0

0

0

0

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH