Naša Niva PS – novaja opcyja na sajcie 13

Čałaviek nie moža žyć biez navin. Biełaruskich viaźniaŭ sumleńnia navat katujuć infarmacyjnaj izalacyjaj.

Ale časam my majem tych navin dosyć. Chočycca adklučycca ad ich. Dla hetaha my stvaryli novy raździeł na sajcie: nn.by/PS. U hety raździeł buduć traplać tolki analityčnyja i kulturnyja materyjały: mierkavańni, historyja, litaratura, architektura, mody, moŭnyja dyskusii, viasiołyja karcinki — toje samaje, što traplaje ŭ raździeły «Kultura» skandynaŭskich haziet, što publikujecca va ŭik-endavych dadatkach da haziet niamieckich i brytanskich.

Heta taki intelektualny dadatak, intelektualnaja vybarka ŭ jaje internet-farmacie.

U raździeł traplaje prykładna 40–50 artykułaŭ i karcinak za tydzień. Vialikaja dola ich, mo' Vy zaŭvažyli, publikujecca ŭ subotu j niadzielu. Dla zručnaści čytańnia materyjał tut dajecca šyrejšaj, čym u navinnaj častcy sajta kałonkaj. Chtości ŭzhadaje «Našu Nivu» druhoj pałovy 90-ch. Tak, my jaje taksama mieli na ŭvazie. Darečy, łahatyp raździeła namalavaŭ Michał Aniempadystaŭ.

Kali majecie padkazki adnosna hetaha raździeła, pišycie ŭ kamientach da hetaha artykuła.

Karaciej, nn.by/PS.

0

0

0

0

0

0

Red.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH