Palitviazień Jaŭhien Vaśkovič dasłaŭ list svajoj babuli Tamary Ŭładzimiraŭnie. Jana atrymała jaho 29 sakavika.
U liście palitviazień paviedamlaje, što da jaho pačali dachodzić listy nie tolki da blizkich svajakoŭ. U pryvatnaści, jon atrymaŭ šmat listoŭ padtrymki i vinšavańniaŭ da Dnia Voli, za što vykazvaje ŭsim ščyry dziakuj. Taksama da jaho dajšła pieradača ad svajakoŭ, los jakoj doŭhi čas nie byŭ viadomy.
Jaŭhien taksama patłumačyŭ pryčynu svajoj admovy ad advakata. Pavodle jaho słovaŭ, nijaki advakat jamu dapamahčy nie zmoža, a marnavać hrošy na toje, kab daviedacca pra jahony stan, jaki jon moža apisać u svaich listach, jon ličyć biessensoŭnym. Pry hetym Vaśkovič adznačyŭ, što śviadoma ŭziaŭ svoj kryž i budzie nieści jaho da kanca. Kali niechta zachoča taksama ŭziać svoj kryž u zmahańni za volnuju Biełaruś, heta budzie vielmi dobra, ličyć jon.
Ciapier palitviazień čytaje miemuary Hieorhija Žukava. Atrymaŭšy list ad redaktara «Babrujskaha kurjera», maje namier dasyłać tudy svaje artykuły. Nastroj u jaho pazityŭny. Jon ščyra vinšuje ŭsich katalikoŭ sa śviatam Uvaskrasieńnia Chrystovaha i radujecca abrańniu novaha Papy Rymskaha, jaki, na jaho dumku, zdoleje ŭźniać Kaścioł na novyja vyšyni.
