Vital Navumovič, pieršy muž Volhi Kłaskoŭskaj i baćka jaje starejšaj dački Mirasłavy, hatovy zabrać dziaŭčynku da siabie:
«Kali Mira pryjedzie, ja budu tolki rady. Heta vielmi niepryjemnaja situacyja. Ja byŭ suprać taho, kab Mirasłava ŭvohule vyjazdžała ź Biełarusi jašče ŭ 2007 hodzie. Ale dla dzicia maci zaŭždy dobraja».
Vital nahadvaje, što pa rašeńni biełaruskaha suda, jakoje było pryniataje jašče da emihracyi Volhi Kłaskoŭskaj, apiekunom Mirasłavy źjaŭlajecca jon. Dziaŭčynka taksama zarehistravanaja ŭ jahonaj minskaj kvatery.
Babula Mirasłavy, Taćciana Navumovič, taksama paćviardžaje hatoŭnaść vychoŭvać unučku ŭ Biełarusi.
Paśla taho jak Volha Kłaskoŭskaja apynułasia ŭ šviedskaj turmie pa abvinavačańni ŭ zamachu na zabojstva muža, miescaznachodžańnie jaje starejšaj dački Mirasłavy nie viadomaje. Suviaź ź joju padtrymlivaje siabar Volhi były sustaršynia Sajuza biełarusaŭ Šviecyi Alaksiej Lićvinčyk.
«Ja maju ź joju kantakt praz telefon. Jana skazała, što ŭ jaje ŭsio jość, usio vydatna, ježa jość. Hrošy na telefon ja joj pakłaŭ, jana ciapier maje kantakt z svajoj babulaj u Biełarusi. Ale ŭ luby momant jana moža pryjści da mianie žyć».
Mirasłavie Navumovič 11 hadoŭ.
