Padziemny pierachod kala HUMa i kramy zaliło haračaj vadoj — fotafakt 5

Praryŭ truby z haračaj vadoj u padziemnym pierachodzie na skryžavańni vulicy Lenina i praśpiekta Niezaležnaści adbyŭsia ŭnačy.

Paciarpieli ŭsie handlovyja kropki, jakija raźmiaščajucca ŭ pierachodzie. Heta krama sotavaha apieratara Velcom, dźvie teatralnyja kasy, krama «Śviet dyskaŭ» i valutny abmieńnik «Biełarusbanka».

Pradaŭcy i ŭładalniki kažuć, što daviedalisia pra zdareńnie tolki siońnia, a 9-j, kali pryjšli na pracu. Naprykład, u teatralnych kasach adznačajuć, što im daviadziecca płacić teatram za kvitki na paŭhoda napierad. Rabotniki kažuć, što namokli hrošy ŭ siejfach, pryntar na stale i navat elektraličylnik.

Hałoŭny inžynier «Minskich ciepłasietak» Alaksandr Drahun, adnak, kaža, što straty paciarpiełym kampiensuje «Biełdziaržstrach». Razam z tym jon zajaŭlaje, što niekatoryja imknucca skarystacca avaryjnaj situacyjaj i zavysić svaje straty.

Pryčynu zdareńnia śpiecyjalisty vyśviatlać padčas rasśledavańnia. Ale Drahun abviarhaje viersiju, što praryŭ źviazany z tempieraturnymi vyprabavańniami ciepłasietak.

Pavodle tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH