Užo ŭvosieni my adčujem siabie jak u časy chałodnaj vajny, — piša hazeta Polska The Times.Vojski NATO buduć u Polščy adpracoŭvać scenar abarony Estonii, a Biełaruś i Rasieja — adbivać ataku z terytoryi Polščy: kala polskaj miažy adtočać varyjant preventyŭnaha jadziernaha ŭdaru pa Varšavie.
Z pačatku hodu raście napružanaść u adnosinach pamiž Rasiejaj i NATO. Aljans rychtujecca da praviadzieńnia maneŭraŭ Steadfast Jazz 2013, jakija projduć na terytoryi Polščy, Litvy i Łatvii, u toj čas jak biełarusy i rasiejcy raspačnuć vučeńni
U svaju čarhu rasiejskaje ministerstva abarony dało zrazumieć, što jamu nie padabajecca ŭsio bolšy ŭdzieł Polščy ŭ NATO.
My pavinny pryniać da ŭvahi patencyjał NATO. My bačym, što mnohija jaho infrastrukturnyja prajekty ažyćciaŭlajucca ŭ Polščy. Heta turbuje nas z mnohich pryčynaŭ, u pryvatnaści tamu, što NATO sprabuje pierakanać nas u tym, što pahrozu treba bačyć na poŭdni, u Afrycy i na Blizkim Uschodzie. Ale ŭ toj ža čas my bačym, što vajskovyja padrychtoŭki viaducca va ŭschodniaj častcy NATO, na terytoryi novych čalcoŭ. My pavinny heta ŭličvać u našaj vajennaj daktrynie — cytuje partał Defense24.pl słovy Alaksandra Hruško, namieśnika ministra abarony Rasiei.
Nichto hetaha aficyjna nie paćviardžaje, ale ciažka nie pryznać maneŭraŭ «Zachad 2013» za sprobu kankuravać z NATO. Što praŭda, supolnyja vučeńni biełaruskija i rasiejskija vojski pravodziać z 2004 hodu, tady jak armii krain paŭnočnaatlantyčnaha aljansu nie pravodzili sumiesnych maneŭraŭ ad 1993 hodu. Ale ž heta Miensk i Maskva čaściej paraŭnoŭvajuć siabie z NATO, a nie naadvarot. Nie vypadkova Arhanizacyju damovy ab kalektyŭnaj biaśpiecy SNH sami zasnavalniki ADKB nazyvajuć «rasiejskim NATO».
ScenarSiarod varyjantaŭ vučeńniaŭ razhladajecca preventyŭny jadzierny ŭdar pa Varšavie. Specyjalisty nie vyklučajuć taksama sprobaŭ parušeńnia polskaj kiberprastory. U minułym my taksama byli śviedkami pahrozaŭ Polščy rasiejskimi rakietami Iskander, jakija znachodziacca ŭ Kalininhradzkaj vobłaści.«Zachadu-2013» nieviadomy. Pavodle nieaficyjnych kanałaŭ infarmacyi, u ich voźmuć udzieł kala 20 tysiač vajskoŭcaŭ (u maneŭrach NATO ich budzie kala 3 tysiač).
U Rasiei jość pryčyny dla niespakoju ŭ tym sensie, što pole NATO znachodzicca ŭsio bližej da jaje miežaŭ. A miesca arhanizacyi maneŭraŭ — heta zaŭsiody forma palityčnaj deklaracyi, — pryznaje Stanisłaŭ Kaziej, kiraŭnik Biuro nacyjanalnaj biaśpieki.
Formaŭ udziełu NATO ŭ Polščy robicca ŭsio bolš. Tut raźmieščanyja rakietnyja systemy Patriot, siudy pieravodziacca amerykanskija źniščalniki
Razam z tym, padkreślivaje Polska The Times, NATO — arhanizacyja, jakaja marudna reahuje na roznyja kanfliktnyja sytuacyi. I rašeńnie dapamahčy adnoj sa svaich krain na miažy z SND prymałasia b składana i doŭha. Tamu zaplanavanyja maneŭry Steadfast Jazz 2013 treba razhladać jak vielmi pazytyŭny dla Polščy znak.