Volha Kłaskoŭskaja ad 30 sakavika znachodzicca ŭ žanočaj turmie Okiersberha ŭ Stakholmie.Jana abvinavačvajecca ŭ zamachu na zabojstva svajho druhoha muža. Mieru strymańnia dla Volhi šviedski sud budzie razhladać 15 krasavika.
Radyjo «Svaboda» raspytała pra situacyju siabra Kłaskoŭskaj, emihranta ź Biełarusi ŭ Šviecyju Alesia Lićvinčyka.
Ź jahonych słovaŭ, incydent, jaki pryvioŭ da aryštu, zdaryŭsia ŭ kvatery muža, jakoha zvać Hiokaj Biezhin.
Reč u tym, što pracedura razvodu nie skončyłasia, i Volha mieła prava žyć u mužavym pamiaškańni.
Sa staršaj dačkoj Kłaskoŭskaj ad pieršaha šlubu, Mirasłavaj, Lićvinčyk maje «kantakt praz telefon». «Jana skazała, što ŭ jaje ŭsio jość, usio vydatna, ježa jość. Hrošy na telefon ja joj pakłaŭ, jana ciapier maje kantakt sa svajoj babulaj u Biełarusi. Ale ŭ luby momant jana moža pryjści da mianie žyć».
«Šviedskaja palicyja taksama turbujecca i šukaje Miru, bo joj usio ž usiaho 11 hadoŭ. Ale ja paćviardžaju, što ź joju ŭsio dobra», — kaža Lićvinčyk.
Ź jahonych słovaŭ, Mirasłava moža abo sam vylecieć u Biełaruś, abo pa jaje moža prylacieć babula.
Dzie ciapier znachodzicca były druhi muž Kłaskoŭskaj i što ź im, Lićvinčyk nie viedaje.
Aleś Lićvinčyk ličyć, što sprava suprać Kłaskoŭskaj skončycca jaje departacyjaj u Biełaruś.
Volha Kłaskoŭskaja — heta emihrantka ź Biełarusi. Jana atrymała status palityčnaj uciakački, što nadało jaje pabytovym kanfliktam hramadski rozhałas i palityčnaje vymiareńnie.
* * *
Maci Volhi Kłaskoŭskaj Ludmiła kaža, što siońnia joj paviedamili pra zatrymańnie jaje dački šviedskaj palicyjaj.
«Ja padniała na nohi ŭsich, kaho mahła… Siońnia mnie patelefanavali z MZS, supracoŭnik MZS Stanisłaŭ Vienciel paviedamiŭ, što im udałosia źviazacca z palicejskaj słužbaj Šviecyi, i tam skazali, što Volha aryštavanaja i znachodzicca ŭ turmie. Joj pradjaŭlenaje abvinavačańnie ŭ zamachu na zabojstva muža».
Volha Kłaskoŭskaja, jakaja paśla taho, jak šviedskaja palicyja zabrała ŭ jaje syna Adema, z 27 sakavika nie vychodziła na suviaź z maci — Ludmiłaj Kłaskoŭskaj.
27 studzienia Volha pasłała maci SMS, što jaje zaprasiŭ na spatkańnie z synam Ademam były muž. Ludmiła Kłaskoŭskaja miarkuje, što jon arhanizavaŭ niejkuju pravakacyju. Ludmiła nie moža dazvanicca i da starejšaj Volzinaj dački — Mirasłavy. Dzie ciapier dziaŭčynka, joj nieviadoma.
Šviedskaja presa paviedamlaje pra incydent u Stakholmie:žančyna była aryštavanaja ŭ subotu, paśla taho jak niekalki razoŭ udaryła byłoha muža nažom. Śviedkam dramy było dzicio.
