Cikava, što Kamitet dziaržaŭnaha kantrolu vystaviŭ «Kamiertonu» pretenzii jašče ŭ 2010 hodzie. Pavodle dadzienych KDK, zavodu z 2005 pa 2009 h. była akazanaja dziaržpadtrymka ŭ pamiery 20,8 młrd rubloŭ, adnak pradpryjemstva praktyčna nie vykanała ŭmovaŭ atrymańnia hetaj dapamohi. Akramia taho, pavodle źviestak kantraloraŭ, na zavodzie biez paćvierdžańnia paniesienych vydatkaŭ u buchhałtarskija dakumienty ŭnosilisia niedakładnyja źviestki pra košt kramianiovych płaścin, što pryviało da jaho zavyšeńnia amal na 800 miljonaŭ rubloŭ. KDK taksama vyśvietliŭ, što na 125 miljonaŭ rubloŭ byli zavyšanyja faktyčnyja vydatki pa raspracoŭcy i ŭkaranieńni ŭ sieryjnuju vytvorčaść technałahičnaha pracesu vyrabu płaścin monakryštaličnaha kremniju pa patrabavańniach submikronnaj technałohii.
U vyniku pravierki KDK vyśvietliłasia i toje, što ŭ 2007 hodzie «Kamierton» z pryciahnieńniem valutnaha kredytu amal na paŭmiljona jeŭra nabyŭ u Čechii kahienieracyjnuju hazamatornuju ŭstanoŭku, a ŭ 2008 hodzie vydatkavaŭ 111 młn biudžetnych srodkaŭ na raspracoŭku
Pavodle dadzienych pravaachoŭnych orhanaŭ, były dyrektar pradpryjemstva ŭ chodzie asvajeńnia biudžetnych srodkaŭ, vydzielenych ź inavacyjnaha fondu Ministerstva pramysłovaści na realizacyju prajekta pa madernizacyi vytvorčaści, pieravysiŭšy słužbovyja paŭnamoctvy, nanios zavodu škodu ŭ pamiery bolš za 132 młn rubloŭ. Pa dadzienym fakcie ŭ dačynieńni da byłoha kiraŭnika dziaržpradpryjemstvy zaviedzienaja kryminalnaja sprava pa č.3 art. 426 Kryminalnaha kodeksa Biełarusi (pieravyšeńnie ŭłady abo słužbovych paŭnamoctvaŭ, učynienyja asobaj, jakaja zajmaje adkaznaje stanovišča, albo jakija paciahnuli ciažkija nastupstvy). Sankcyja hetaha artykuła praduhledžvaje pakarańnie da 10 hadoŭ pazbaŭleńnia voli. Materyjały spravy dla arhanizacyi papiaredniaha rasśledavańnia pieradadzienyja ŭ Śledčy kamitet. Viadziecca śledstva.