Fihurantam kryminalnaj spravy staŭ načalnik adździeła vytvorčaha raźvićcia i kantrolu za realizacyjaj
Pavodle infarmacyi ABEZ Minskaha RAUS, pa materyjałach jakoha i była raspačataja kryminalnaja sprava, padazravany, pracujučy na nazvanaj pasadzie, z 8 lutaha pa 28 sakavika 2011 h. ździejśniŭ machlarstva ŭ dačynieńni da žycharki Minska.
Tak, chočučy zavałodać čužoj majomaściu, šlacham padmanu i złoŭžyvańnia davieram, nie źbirajučysia vykonvać uziatyja na siabie abaviazańni, čynoŭnik u vioscy Vialikaje Ścikleva Minskaha rajona zavałodaŭ hrašovymi srodkami znajomaj žančyny, paabiacaŭšy joj kupić na vyhadnych umovach budaŭničaje abstalavańnie ŭ minskaha pradprymalnika. Maŭlaŭ, ja ŭpłyvovy čynoŭnik, mnie pradprymalnik pradaść abstalavańnie ź vialikaj źnižkaj. Žančyna pavieryła dabradzieju i pieradała jamu 24,5 młn rubloŭ. U vyniku paciarpiełaja nie ŭbačyła ni abstalavańnia, ni hrošaj.
Pa dadzienym fakcie Śledčy kamitet raspačaŭ kryminalnuju spravu pa č.3 art.209 Kryminalnaha kodeksa Biełarusi (machlarstva, ździejśnienaje ŭ bujnym pamiery), jakaja praduhledžvaje pakarańnie da siami hadoŭ pazbaŭleńnia voli).
Viadziecca rasśledavańnie.
