Minharvykankam padvioŭ papiarednija vyniki čarhovaha subotnika pa ŭborcy śniehu, jaki adbyŭsia ŭ stalicy 23 sakavika.
Jak paviedamlaje pres-słužba Minharvykankama, padčas sumiesnaj pracy kamunalnymi słužbami i žycharami Minska ŭ subotu prybrana i vyvieziena bolš jak 17 tysiač mietraŭ kubičnych śniehu.
Na subotnik vyjšła bolš jak 24 tysiačy minčan, pracavała bolš jak 750 adzinak techniki, zraschodavana bolš jak 190 mietraŭ kubičnych piasčana-salanaj sumiesi.
Supracoŭniki Minharvykankama ŭziali ŭdzieł u pracy pa ŭborcy śniehu na vulicach K.Marksa, Lenina, u mikrarajonie Kamiennaja Horka. Na subotnik vyjšli pradstaŭniki pracoŭnych i studenckich kalektyvaŭ, rajonnych administracyj Minska, ustanoŭ adukacyi.
Nahadajem, jašče adzin masavy subotnik pa ŭborcy śniehu prajšoŭ u Minsku 19 sakavika. Pavodle danych Minharvykankama, tady na subotniku pracavała bolš jak 80 tys. čałaviek, u tym liku prykładna 11 tys. pradstaŭnikoŭ palityčnych partyj i hramadskich abjadnańniaŭ.
0
0
0
0
0
0
