«Ja pomniu ŭsio». Vyjšła kniha tvorčaj spadčyny Zośki Vieras 5

Zośka Vieras. 1978 hod. Fota Siarhieja Paniźnika.

U knižnaj sieryi «Haradzienskaja Biblijateka» vyjšła kniha «Zośka Vieras. Ja pomniu ŭsio». Heta pieršaje vydańnie tvorčaj spadčyny Zośki Vieras.

U knizie drukujucca ŭspaminy Zośki Vieras (Ludviki Sivickaj; 1892–1991), jaje pryvatnaja karespandencyja, fotazdymki. Upieršyniu apublikavanyja 367 listoŭ, datavanyja 1967—1989 hh. Heta — krasamoŭnaja historyja Biełarusi i Harodni, pieražytaja piśmieńnicaj, miemuarystkaj, publicystkaj, leksikohrafam, pierakładčycaj, aśvietnicaj i hramadskaj dziejačkaj. Listy i ŭspaminy sabraŭ, apracavaŭ i ŭkłaŭ Michaś Skobła.

Pieršaja prezientacyja knihi «Zośka Vieras. Ja pomniu ŭsio» adbudziecca ŭ Hrodnie 23 sakavika ŭ časie Haradzienskaj Dyktoŭki-2013. Pačatak a 12.00 (Budzionaha, 48a, zała va ŭnutranym dvoryku).

Admysłovymi hośćmi prezientacyi buduć: układalnik knihi Michaś Skobła, litaratar i krytyk Anatol Sidarevič, paetka Danuta Bičel, krajaznaŭca Aleś Hościeŭ, prafiesar Alaksiej Piatkievič, kiraŭnik «Pachodni» Mikoła Taranda.

***

«Zośka Vieras. Ja pomniu ŭsio» — heta 21-ja kniha knižnaj sieryi «Haradzienskaja biblijateka», — knižnaj sieryi, zasnavanaj u 2006 hodzie z metaj dakumientacyi i prasoŭvańnia kulturnaha i histaryčnaha darobku haradziencaŭ, a taksama papularyzacyi viedaŭ pra siaredniaviečnuju, navačasnuju, mižvajennuju i pavajennuju historyju Harodni jak istotnaha elemienta jeŭrapiejskaj spadčyny.

PM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH