Dadatnaje salda biez spłaty mytaŭ Rasii za studzień skłała $142,6 młn

Stanoŭčaje salda źniešniaha handlu tavarami i pasłuhami za studzień hetaha hoda skłała 142,6 młn. dołaraŭ, što na 71,3% mienš za pakazčyk studzienia 2012 hoda. Pra heta paviedamili ŭ Nacyjanalnym banku Biełarusi.

U śniežni 2012 hoda salda źniešniaha handlu tavarami i pasłuhami skłałasia admoŭnym u pamiery 297,4 młn. dołaraŭ.

Pavodle danych Nacbanka, ekspart tavaraŭ i pasłuh u studzieni źniziŭsia na 13% — da 3 młrd. 408,9 młn. dołaraŭ, impart pamienšyŭsia na 4,5% — da 3 młrd. 266,3 młn. dołaraŭ.

Źniešniehandlovy abarot tavaraŭ za pieršy miesiac hetaha hoda skłaŭ 5 młrd. 990,7 młn. dołaraŭ (na 10,4% mienš, čym u studzieni 2012-ha),

źniešniehandlovy abarot pasłuh skłaŭ 684,5 młn. dołaraŭ (na 5% bolš za anałahičny pakazčyk minułaha hoda).

Salda źniešniaha handlu tavarami ŭ studzieni 2013-ha skłałasia admoŭnym u pamiery 86,7 młn. dołaraŭ. U studzieni 2012 hoda hety pakazčyk byŭ stanoŭčym i aceńvaŭsia ŭ 343,5 młn. dołaraŭ.

Salda źniešniaha handlu pasłuhami za pieršy miesiac 2013 hoda skłałasia stanoŭčym — 229,3 młn. dołaraŭ, što na 49,1% bolš, čym u studzieni 2012 hoda.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH