U bolšaści krain śvietu staršynia hałoŭnaha banka krainy — čałaviek, ad jakoha zaležyć finansavaja palityka. Ale nie ŭ Biełarusi.Tradycyi, zakładzienaj Piatrom Prakapovičam, trymajecca i jahonaja nastupnica, adna z pradstaŭnikoŭ «škłoŭskich» va ŭładzie Nadzieja Jermakova. Jaje zadača zvodzicca da vykanańnia płana, zadumanaha administracyjaj Alaksandra Łukašenki, — naprykład, uźniać ci apuścić kursy valut i staŭku refinansavańnia, nadrukavać patrebny ministerstvu pramysłovaści abjom rubloŭ i hetak dalej. Adnak navat u hetych žorstkich ramkach u staršyni Nacbanka zastajecca peŭnaje pole dla manieŭraŭ. A pieradusim jana ŭpłyvaje na rašeńni prezidenta infarmacyjaj, jakuju źbiraje i padaje Nacbank.
Nadzieja Jermakova niaźmienna kiruje sajuzam žančyn ŭžo 14 hadoŭ. Pad jaje ŭładaj arhanizacyja savieckaha typu, u jakuju ŭvachodziać 170 tysiač čałaviek, zastajecca farmalnaj ustanovaj nakštałt prafsajuzaŭ.
***
Cytata:
«Abutak zavozicca impartny. Tak, jon stanie daražejšym, ale ničoha strašnaha, budziem nasić zamiest dźviuch par tuflaŭ adnu».
Pra devalvacyju, 2011.
***
Abjektyŭka
Nar. u 1953 u vioscy Razalmova Chocimskaha rajona. Zakončyła Pinski ŭlikova-kredytny technikum (1971), Biełaruski dziaržaŭny instytut narodnaj haspadarki (1978). Pracavała kredytnym inśpiektaram, kiraŭnicaj mahiloŭskich rajonnych adździaleńniaŭ Dziaržbanka, namieśnicaj staršyni Škłoŭskaha rajvykankama, kiraŭnikom adździaleńnia «Biełahraprambanka» ŭ Škłovie. Staršynia Biełaruskaha sajuza žančyn ad 1999. U 1996—2011 — namieśnica staršyni, paśla staršynia «Biełarusbanka». Ad 2011 — kiraŭnica Nacbanka.
***
Nadzieja Jermakova. Top-7 cikavych faktaŭ pra hałoŭnuju bankirku
