Na terytoryi, jakuju sastupiŭ skandynaŭskaj krainie były prezident Rasii Dźmitryj Miadźviedzieŭ, znajšli 1,9 młrd barelaŭ vuhlevadarodaŭ.
Pahadnieńnie 2010 hoda pamiž Rasijaj i Narviehijaj, jakoje zavieršyła šmathadovyja pieramovy pra miežy ŭ Barancavym mory, moža apynucca dla Maskvy vielmi niaŭdałym.
Dla paŭnočnych susiedziaŭ hetaja damoŭlenaść užo stała najvialikšaj radaściu — na terytoryi, jakaja adyšła narviežcam, znojdzienyja vialikija zapasy vuhlevadarodaŭ. Rasijskija čynoŭniki aburajucca: narviežcy i tak hubiać paŭnočnyja «rybnyja radzilni», a ciapier staviać pad udar ajčynny promysieł traski.
«Kali mierkavać pa siońniašnich cenach na naftu, pad toŭščaj vady schavanyja kaštoŭnaści amal na 30 młrd jeŭra»,— ci to zachaplajucca, ci to aburajucca «Novyje Iźviestija» ŭ materyjale pad nazvaj «Carski padarunak».
Inakš prezient i nie nazavieš. Pavodle dakładu narviežskaha naftavaha dyrektarata (NPD), u nietrach pad častkaj Barancava mora, jakaja ŭ vieraśni 2010 hoda adyšła Narviehii, chavajucca kala 300 młn kubamietraŭ vuhlevadarodaŭ — u naftavym ekvivalencie heta amal 1,9 młrd barelaŭ. Pryčym pa prahnozach, mierkavany abjom karysnych vykapniaŭ na spravie moža apynucca roŭnym 565 młn kubamietraŭ. Ź ich na dolu nafty prypadajuć 15%.
«Heta vydatnaja navina… Pradstaŭlenyja vyniki hieołaharaźviedki dakazvajuć, što paŭdniovy ŭschod Barancava mora — samy cikavy z novych rajonaŭ narviežskaha kantynientalnaha šelfa», —cytuje Barents Observer ministra nafty i enierhietyki Narviehii Ułu Burten Mue. Chutkaj vyhady čakać, viadoma, nie prychodzicca. «Ad siońniašniaha dakłada da raźviedačnych rabot projdzie niekatory čas, — rastłumačyŭ ministr. — Ale kali raźviedka pačniecca, heta abaviazkova akaža ŭpłyŭ na ekanomiku paŭnočnych municypalitetaŭ».
Navina pra «załaty kavałak», atrymany Osła ad Maskvy, vyklikała ŭ Narviehii sapraŭdnuju ejfaryju, adznačajuć «Novyje Iźviestija».Zapasy nafty ŭ narviežskaj častcy Paŭnočnaha mora, zdabyča jakoj viałasia z
Rasieja moža dałučycca
Pieramovy ab nieabchodnaści raźmiežavańnia sprečnaj terytoryi ŭ Barancavym mory płoščaj kala 175 tysiač kvadratnych kiłamietraŭ vialisia pamiž SSSR i Narviehijaj z
«Heta padzieja pavinna paŭpłyvać na ahulnuju situacyju ŭ rehijonie, na ŭmacavańnie mižnarodnaj i rehijanalnaj biaśpieki, na pahłybleńnie ŭzajemadziejańnia arktyčnych dziaržaŭ», — zajaviŭ tahačasny prezident Dźmitryj Miadźviedzieŭ paśla padpisańnia adpaviednych damoŭ z narviežskim premjeram Jensam Stałtenbierham.U vyniku baki pahadzilisia padzialić sprečnuju terytoryju ŭ Barancavym mory i Paŭnočnym Ledavitym akijanie na dźvie roŭnyja pa značeńni častki.
Zrešty, paraŭnoŭvać «padarunak» narviežcam sa ščodrym prezientam amierykancam — Alaskaj — nie varta.U padpisanych u 2010 hodzie pahadnieńniach asobna ahavorvajecca momant, jaki tyčycca zdabyčy vuhlevadarodaŭ. Tak, kali radovišča pierasiakaje dziaržaŭnuju miažu i raźmiaščajecca na terytoryjach abiedźviuch dziaržaŭ, jano moža raspracoŭvacca tolki sumiesna, havorycca ŭ dakumientach.
Ci «pieraciakaje» narviežskaja nafta pad Barancavym moram u Rasiju, pakul nie jasna. Va ŭsialakim vypadku, u RF naviny ab vyjaŭleńni paŭnočnikami 300 młn kubamietraŭ čornaha zołata i błakitnaha paliva ažyjatažu, jak u Narviehii, nie vyklikali i nie jasna, ci jość u rasijskich zdabyvajučych kampanij
Traska ŭ niebiaśpiecy
Pakul što z rasijskaha boku publična adreahavali tolki ekołahi, rybaki dy miascovyja čynoŭniki, jakija jašče ŭ siaredzinie zimy źviarnuli ŭvahu na aktyŭnaść narviežcaŭ u Barancavym mory.Tak, rasijskaje adździaleńnie WWF nakiravała list u MZS, vykazaŭšy zakłapočanaść zajaŭlenymi Narviehijaj prajektami pa naftazdabyčy ŭ
«Narviehija ŭziała kurs na zdabyču vuhlevadarodaŭ, u tym liku i ŭ Barancavym mory — na miescy byłoj „šeraj zony“. Ale naša ahulnaje mora maje unikalnyja zapasy traski, jakija prosta nieabchodna zachavać,— cytuje RIA „Novosti“ zajavu kamiteta pa pryrodakarystańniu i rybnaj haspadarcy dumy Murmanskaj vobłaści. — Łafateny ŭ Narviežskim mory (u rehijonie taksama viadziecca naftazdabyča) — heta naohuł radzilnia dla ryby, jakaja zatym płyvie ŭ našyja vody».