Uładzimir Niaklajeŭ.
Kala 200 čałaviek sabrałasia na cyrymoniju ŭhanaravańnia.
Pasoł Polščy Lešak Šarepka - dziakujučy jamu biełaruskija litaratary majuć hetuju prestyžnuju premiju.
Siarhiej Bałachonaŭ - samabytny aŭtar z Homiela.
Adam Hłobus - "impieratar litaraturnaj impieryi".
Uładzimir Arłoŭ.
Alhierd Bacharevič.
Uładzimir Niaklajeŭ.
19.57
«Zaraz spačatku hrošy žoncy addam», — pačynaje z žarta Niaklajeŭ.
A paśla čytaje svoj vierš «Apošni paet».
«Jamu płakali ŭśled bieraściejskija vierby,
Biełaja Vieža niema hladzieła ŭśled,
A jon śmiajaŭsia ŭ budučyniu, dzie nichto nie viedaŭ,
Što jon apošni biełaruski paet».
Niaklajeŭ pryznaŭsia, što sapraŭdy vielmi bajaŭsia, što moža zastacca apošnim biełaruskim paetam. «Tamu na kožny tekst hladžu z nadziejaj, što z hetaj staronki ŭ śviecie abudzicca cikavaść da ŭsiaho biełaruskaha», — kaža jon. I kaža, što vieryć u toje, što časy źmienicca. «Toje, što robić Boh, — heta toje, što robim my sami», — kaža Niaklajeŭ.
19.56
Letašni łaŭreat, prazaik Pavał Kaściukievič i pasoł Polščy ŭ Biełarusi Lešak Šarepka hanarujuć pieramožcu. «Ja raskažu, jak ja pravioŭ siońniašni dzień», — zdalok pačaŭ Pavał Kaściukievič… Raskazvaje, jak uziaŭ z saboj skałku, nios skałku... Z zały i Maryja Martysievič kryčać: nie skałku, a kačałku!.. Što za dzień moŭnych pamyłak taki?! A vynik čakany: pieramoh Uładzimir Niaklajeŭ i jahony raman «Aŭtamat z haziroŭkaj ź siropam i biez». Niaklajeŭ atrymaje 10 tysiač jeŭra ad banka, a jahonaja kniha vyjdzie ŭ polskim pierakładzie.
19.51
Barys Piatrovič, staršynia Sajuza piśmieńnikaŭ, abviaščaje druhuju premiju. «Premija paśpiachova vykonvaje svaje zadačy, u tym liku hałoŭnuju — ažyŭlenńnia litaraturnaha žyćcia ŭ Biełarusi, — kaža Piatrovič. — Pra heta śviedčyć toje, jaki rezanans vyklikali ŭsie rašeńni žury». Jon vykazvaje spadzieŭ, što knihi łaŭreataŭ buduć dobra razychodzicca ŭ Polščy i dziakuje amb. Šarepku i «Idejabanku»… A druhaja premija — pajezdka ŭ tvorčy adpačynak na vostraŭ Hotłand (Šviecyja), ufundavanaja Šviecyjaj, — Alhierd Bacharevič za knihu «Hamburhski rachunak Bachareviča». Letaś Bacharevič taksama byŭ druhim.
19.46
I voś narešcie — pieršy chvalujučy momant. Treciaja premija. Słova majuć Uładzimir Arłoŭ i Jan Dambroŭski. «Pakolki dla adnaho z našych finalistaŭ chutka pačynajecca kamiendanckaja hadzina, my musim być łakaničnymi», — pačynaje Arłoŭ, i zała ŭzdychaje. «Chtości jaho lubić, chtości nie lubić…». Treciaja premija — Adam Hłobus za knihu «Skazy». Kalehium Uschodniaj Jeŭropy zaprašaje pana Hłobusa ŭ pajezdku va Urocłaŭ. Hłobus ścipła dziakuje ŭsim sabranym.
19.46
Stankievič na cyrymoniju nie źjaviŭsia. Pieradaŭ, što chvareje. Akudovič pažadaŭ jamu vyzdaravieć.
19.45
Nastupnaja — Ludmiła Rubleŭskaja. «Ahladalnica viadomaj haziety, — Kiślicyna robić šmatznačnuju paŭzu i zała pyrskaje zdarovym śmiecham. — Muza svajho muža».
19.40
Paśla karotkaha ŭručeńnia Bachareviču — čarha Niaklajeva. Tut Akudovič havoryć doŭha. «Jaho adnolkava lubiać Boh i djabał», — kaž Akudovič. Raskazvaje pakručastuju bijahrafiju. «
19.35
Čarha Adama Hłobusa. Akudovič pryhadvaje lehiendu pra Tałstoha, jaki admoviŭsia pryniać pieršuju Nobieleŭskuju premiju, skazaŭšy: «Ja sam kamu chočaš mahu ŭručyć premiju». Akudovič humarystyčna raskazaŭ pra Hłobusa, pra jahonuju premiju «Załataja litara» pamieram 111 jeŭra i pra jahonuju «litaraturnuju impieryju», dzie «adzin impieratar». Pry hetym Akudovič dvojčy pamyliŭsia ŭ nacisku ŭ słovie «prYchamać». Uparta kazaŭ «PrychamAci».
19.30
Pačynajecca sama cyrymonija ŭznaharodžvańnia. Chadanovič zaprasiŭ na scenu krytyka Kiślicynu i fiłosafa Akudoviča. Pieršy pa ałfavicie dypłom — Siarhieju Bałachonavu.
19.25
Čarha čytać uryvak ź Niaklajeva.
«Chaj jon sam pačytaje!», — prapanavali z zały. «Chaj jon sam pačytaje?» — padchapiła Chitryk. «Nie, užo adrablajcie svaje hrošy», — admoviŭsia Niaklajeŭ.
Niaklajeva čytajuć apošnim. Heta znak, što jon zdabudzie premiju?
19.10
U pierapynkach pamiž čytkaj ihraje žyvy džaz.
19.00
Kala 200 čałaviek sabralisia na cyrymoniju. Usie miescy ŭ zale zapoŭnienyja. Ludzi ablapili taksama ścieny. Publiku składaje pieravažna moładź — paroŭnu dziaŭčaty j chłopcy.
Pa tradycyi, na pačatku adbyvajecca čytańnie frahmientaŭ tvoraŭ. Čytajuć akciory Kupałaŭskaha teatra Hanna Chitryk i Pavał Charłančuk. Nie zaŭždy dobra čytajuć, błytajuć naciski ŭ redkich słovach. Takich, jak žamiara, naprykład. Starabiełaruskuju movu Bałachonava jany darma čytali z ruskim akcentam, imcho. Vymaŭlalisia ž słovy tady, jak i ciapier. Ale čytajuć z dušoj, ź luboŭju.
18.45
Cyrymoniju adkryvaje paet i siabar žury Andrej Chadanovič. Jon siońnia viadoŭca, jak i letaś. Jon kanstatuje, što ŭ zale prysutničajuć piać z šaści naminantaŭ. I pieradaje słova pasłu Połščy Lešaku Šarepku.
Pasoł vykazvaje spadziavańnie, što z časam da padtrymki premii dałučacca biełaruskija ŭłady, čym vyklikaje viasioły śmiech u zale.
* * *
Hod nazad cyrymonija hanaravańnia adbyvałasia ŭ zmročnaj, chałodnaj zale Pałaca Mastactvaŭ. I sama atmaśfiera była napružanaj: napiaredadni pasła Polščy Lešaka Šarepku paprasili pakinuć krainu. Razam ź im vyjechali pasły inšych krain Jeŭrasajuza, a biełaruskija — ź jeŭrapiejskich stalic. U pavietry nasiłasia pahroza eskałacyi kanfliktu, a razam z tym rabiłasia niapeŭnaj i budučynia
Ale pasoł Polščy viarnuŭsia ŭ Minsk. Minuŭ hod, premija zastałasia. Sioleta jaje ŭručajuć u hłamurnaj atmaśfiery hatela «Kraŭn płaza» — siarod vieluru i blasku malavanych pad čyrvonaje dreva kresłaŭ.
Jak i letaś, vyznačeńnie łonh- i
* * *
Prestyžnuju litaraturnuju premiju Hiedrojca sioleta prysudziać druhi raz. Heta premija za najlepšuju knihu prozy. Na ŭznaharodu pretendavali bolš za 40 vydańniaŭ. Žury vybrała ź ich u
Pieramožca atrymaje hrašovy pryz 10 tysiač jeŭra. Premiju funduje «Ideja-bank».
U
Ježy Hiedrojc — heta lehiendarny polski redaktar, jaki adkryŭ śvietu talenty Česłava Miłaša i Vitalda Hambroviča. Hiedrojc naradziŭsia ŭ Minsku, tut jahonym imiem nazvanaja vulica.
Cyrymonija hanaravańnia projdzie, a 18:30 u
Imia łaŭreata zastajecca ŭ tajamnicy da samaj cyrymonii.
