Staršynia Asacyjacyi Pamorja Archanhielskaj vobłaści Ivan Masiejeŭ pryznany vinavatym u ekstremiźmie. Jaho prysudzili da štrafu ŭ 100 tys. rasijskich rubloŭ (28 młn biełaruskich, abo 3 tys. dalaraŭ) za niehatyŭny kamientar pra rasiejcaŭ u internecie.
Jon asudžany pa kryminalnym artykule ab dziejańniach, «nakiravanych na prynižeńnie hodnaści hrupy asob pa prykmietach nacyjanalnaści i pachodžańnia».
Śledstva pastanaviła, što Masiejeŭ pakinuŭ u internecie niehatyŭny kamientar pra rasiejcaŭ 1 krasavika 2012 h. Kamientar napisaŭ karystalnik «Pamory». Ekśpierty śćviardžajuć, što jon byŭ adpraŭleny z kampjutara Masiejeva.
Raniej Masiejeŭ admaŭlaŭ ŭsie abvinavačvańni. U paniadziełak na sudzie jon chadajničaŭ ab viartańni jaho spravy ŭ prakuraturu, zajaviŭšy čarhovy raz, što ŭ jaho spravie nie kankretyzavana abvinavačvańnie.
Raniej ab adsutnaści ekstremizmu ŭ vykazvańni zajaŭlała ekśpiert Paŭnočnaha fiederalnaha univiersiteta Taćciana Sidarava.
0
0
0
0
0
0