Vychad u prakat zaklučnaha filma tryłohii Pitera Džeksana «Chobit» adkłali na piać miesiacaŭ.
Stužku «Chobit: Tudy i nazad» («The Hobbit: There and Back Again») płanavali vypuścić na ekrany ŭ siaredzinie lipienia 2014 hoda. Adnak ciapier vyśvietliłasia, što film vyjdzie ŭ šyroki prakat tolki 17 śniežnia taho ž hoda. Dakładna nie viadoma, ź jakoj mienavita pryčyny kampanija Warner Bros. adkłała premjeru. Adnak kali b treciuju častku «Chobita» vypuścili ŭ lipieni, kankurencyju filmu skłaŭ by jašče adzin patencyjny błokbastar — stužka Brajan Sinhiera «Ludzi Iks: Dni minułaj budučyni».
Pieršapačatkova Piter Džeksan mieŭ namier raźbić ekranizacyju knihi Tołkijena «Chobit» na dźvie častki.Paźniej kiniematahrafist vyrašyŭ źniać tryłohiju, filmam jakoj dali padzahałoŭki «Niečakanaja vandroŭka», «Pustka Smaŭha» i «Tudy i nazad».
Pieršy film tryłohii vyjšaŭ u prakat u śniežni 2012 hoda. Stužka «Niečakanaja vandroŭka» zdoleła zarabić u prakacie 980 młn dalaraŭ (pry hetym jaje biudžet mierkavana skłaŭ 180 miljonaŭ dalaraŭ).
«Pustku Smaŭha» vypuściać na ekrany ŭ śniežni 2013 hoda.
