Vadałazy vyjavili varonku na dnie voziera, u jakoje ŭpaŭ Čelabinski mietearyt

Na hlejkim dnie voziera Čebarkul pad Čelabinskam akvałanhisty vyjavili varonku, jakaja mierkavana źjaŭlajecca śledam mietearyta. Pra heta «Rośsijskoj hazietie» paviedamili ŭ pres-słužbie administracyi Čabarkul. Bolš dakładnuju infarmacyju zmohuć dać navukoŭcy ź Jekaciarynburha, jakija ŭ bližejšy čas źbirajucca prybyć u Čabarkul i zrabić zdymki dla składańnia «karty dna». Jak rastłumačyli ŭ administracyi, vadałazam prychodzicca pracavać u składanych umovach, hłybinia voziera ŭ miescy mierkavanaha padzieńnia mietearyta składaje 11 mietraŭ, a słoj hleju dachodzić da troch mietraŭ.

Miž tym, pa zdahadkach navukoŭcaŭ, u voziery moža znachodzicca frahmient masaj ad 200 da 500 kiłahramaŭ.

Nahadajem, najbolšym na siońniašni dzień frahmientam mietearyta źjaŭlajecca kiłahramovy askołak, znojdzieny dva dni tamu ŭ Jetkulskim rajonie Čalabinskaj vobłaści. Raniej navukoŭcy vyjavili na lodzie voziera Čabarkul mietearytnyja kroški, jakija, vierahodna, utvarylisia pry ŭdary kamiennaha balida ab lod, akramia taho, śpiecyjalisty z UrFU ŭžo znachodzili abłomki niabiesnaha cieła vieličynioj ź dziciačuju dałońku.

Pa słovach navukoŭcaŭ, vielmi važna sabrać jak maha bolš rečyvf mietearyta, bo rečyva ŭžo na vačach akiślajecca i moža stracić častku svaich pieršapačatkovych ułaścivaściaŭ.

0

0

0

0

0

0