10, 15 i 20: uvodzicca nižniaje značeńnie testavaha bała dla pastupleńnia ŭ VNU 13

Z metaj vyklučeńnia mahčymaści ŭdziełu ŭ konkursie dla atrymańnia vyšejšaj adukacyi abituryjentaŭ, jakija majuć nizki ŭzrovień padrychtoŭki, pastanovaj Ministerstva adukacyi Biełarusi ad 20 lutaha 2013 № 8 ustanoŭlena nižniaje značeńnie testavaha bała, pačynajučy ź jakoha adznaka ŭ 2013 hodzie budzie pryznavacca zdavalniajučaj.

Pra heta zajaviŭ na pres-kanfierencyi ŭ Minsku ministr adukacyi Siarhiej Maskievič.

Pa słovach ministra, dla taho kab mieć mahčymaść padać dakumienty ŭ VNU, abituryjenty pavinny buduć nabrać:

10 bałaŭ pa pradmietach «Biełaruskaja mova» abo «Ruskaja mova»;

15 bałaŭ — pa pradmietach «Matematyka», «Fizika», «Chimija», «Bijałohija»;

20 bałaŭ — pa pradmietach «Historyja Biełarusi», «Suśvietnaja historyja najnoŭšaha času», «Hramadaznaŭstva», «Hieahrafija», «Zamiežnyja movy (anhlijskaja, niamieckaja, francuzskaja, ispanskaja)».

Stanoŭčyja značeńni testavych bałaŭ vyznačalisia z ulikam praviedzienaha analizu vynikaŭ CT za apošnija dva hady.

«Miarkujem, što kala 30% abituryjentaŭ nie nabiaruć nižniaha značeńnia testavaha bała.

Ale jany zmohuć praciahnuć navučańnie ŭ PTV i siarednich śpiecyjalnych navučalnych ustanovach. Jak pakazvaje mižnarodnaja praktyka, tolki kala 40% vypusknikoŭ škoł mohuć asvojvać prahramy vyšejšaj adukacyi», — rastłumačyŭ ministr adukacyi.

Nijakich abmiežavańniaŭ pry nabory ŭ 10-ja kłasy nie budzie,

skazaŭ taksama Maskievič.

«Nijakich administracyjnych mier, jakija zabaraniajuć iści ŭ 10-y kłas, nie budzie», — padkreśliŭ ministr. Jon dadaŭ, što asabliva ŭ Minsku budzie adsočvacca, kab 10-ja kłasy kamplektavalisia całkam: «kab było nie pa 10–15 čałaviek, a ŭ siarednim 24».

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH