Pucinu buduć dakładvać ab situacyi z pravami čałavieka ŭ Biełarusi 4

Jak kaža jaje staršynia Andrej Juraŭ, situacyja z pravami čałavieka ŭ Biełarusi budzie ŭ ich na asablivym kantroli.

«Na pieršym ža pasiadžeńni našaj kamisii my damovilisia, što asablivaja ŭvaha, u tym liku ŭ adpaviednaści z apošnimi pasłańniami prezidenta i prem'jer-ministra Rasijskaj Fiederacyi, budzie nadadzienaja situacyi z pravami čałavieka ŭ prastory Mytnaha sajuza SND. Tamu toje, što pytańnie nakont pravoŭ čałavieka ŭ Biełarusi budzie stavicca — heta 100%. Bolš za toje, budzie admysłovaja hrupa ekśpiertnaja z pryciahnieńniem biełaruskich pravaabaroncaŭ u jakaści niezaležnych mižnarodnych ekśpiertaŭ».

U novym składzie Saviet pry prezidencie Rasii pa raźvićci hramadzianskaj supolnaści i pravach čałavieka pracuje ŭsiaho niekalki miesiacaŭ i pakul «biełaruskaje pytańnie» na im nie razhladałasia.

Ale Juraŭ nie vyklučaje, što ŭ chutkim časie budzie padrychtavany admysłovy dakład na hetuju temu z kankretnymi prapanovami parłamientu i prezidentu.

Nahadajem, pravaabaronca Andrej Juraŭ paśla prezidenckich vybaraŭ 2010 hoda ŭ Biełarusi ŭznačaliŭ Mižnarodnuju naziralnickuju misiju Kamiteta mižnarodnaha kantrolu pa situacyi z pravami čałavieka ŭ Biełarusi. Biełaruskija ŭłady zabaranili rasijskamu pravaabaroncu ŭjezd u našu krainu.

Źmicier Łukašuk, Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH