Bolš jak 60% žycharoŭ Biełarusi chvaluje prablema cen na pradukty charčavańnia i tavary pieršaj nieabchodnaści,śviedčać danyja sacyjałahičnaha manitorynhu Instytuta sacyjałohii Nacyjanalnaj akademii navuk. Pra heta paviedamiŭ dyrektar Instytuta sacyjałohii NANB, doktar sacyjałahičnych navuk, prafiesar Ihar Katlaroŭ 21 lutaha na
Pavodle jaho słoŭ, mienš za ŭsio heta prablema chvaluje moładź, bolš za ŭsio — piensijanieraŭ. Prablema cen zastajecca samaj aktualnaj dla žycharoŭ Biełarusi šmat hadoŭ — z 1990 hoda, kali pačali pravodzicca takija daśledavańni. Napružanaść pa hetaj prablemie dasiahnuła pika ŭ 2002 hodzie, tady jana chvalavała 95% žycharoŭ Biełarusi. U 2006 hodzie situacyja stabilizavałasia, i prablema cen na pradukty charčavańnia chvalavała ŭžo tolki pałovu nasielnictva krainy. U razhar kryzisu, da vosieni 2011 hoda, prablema cen na tavary pieršaj nieabchodnaści chvalavała ŭžo 71,5% žycharoŭ Biełarusi. Letaś heta prablema chvalavała 61,1% biełarusaŭ.
Zhodna z praviedzienym u 12 małych haradach krainy ŭ pačatku 2013 hoda sacapytańniem, paviedamiŭ Katlaroŭ, kožnaja piataja siamja tracić na pradukty charčavańnia ad 70% da 90% siamiejnaha biudžetu. U kožnaj treciaj siamji raschody na pradukty charčavańnia składajuć ad 50% da 70% i tolki 5% siemjaŭ raschodujuć na pradukty charčavańnia mienš jak 30% siamiejnaha biudžetu. «Heta ličby, jakija, jak praviła, isnujuć va ŭsioj Jeŭropie», — skazaŭ Katlaroŭ.
Pavodle słoŭ dyrektara Instytuta sacyjałohii NANB, prablema cen «upłyvaje na sacyjalnaje samaadčuvańnie i na palityčnuju aktyŭnaść, i na mahčymy ŭdzieł ludziej u niejkich sacyjalnych akcyjach».
Jak adznačyŭ Katlaroŭ, sacyjołahi taksama źviarnuli ŭvahu, što kali palityčnaja partyja pierad vybarami ŭźnimie prablemu cen, to jaje rejtynh raście, «chaj i nie značna».
