Bolšaść hurtkoŭ i siekcyj dla dziaciej płanujecca zrabić płatnymi 7

Udzieł dziaciej i moładzi ŭ hurtkach i siekcyjach va ŭstanovach dadatkovaj adukacyi płanujecca zrabić płatnym. Ab hetym paviedamiła pres-sakratar Ministerstva adukacyi Julija Vanina.

Pavodle jaje słoŭ, ciapier dzieci mohuć naviedvać lubyja hurtki i siekcyi biaspłatna. Rašeńnie pieravieści ich na płatnuju asnovu źviazana ź nieabchodnaściu ekanomii biudžetnych srodkaŭ. Novaŭviadzieńnie nabudzie moc z pačatku nastupnaha navučalnaha hoda.

Minadukacyi pačało farmiravańnie pieraliku sacyjalna značnych abjadnańniaŭ pa intaresach dla ŭstanoŭ dadatkovaj adukacyi. Miarkujecca, što ŭdzieł u niekatorych ź ich budzie biaspłatnym.

Adnak pakul nie vyznačana, jakija mienavita hurtki i siekcyi atrymajuć biudžetnaje finansavańnie.

Jak padkreśliła pres-sakratar Minadukacyi, fakultatyvy ŭ navučalnych ustanovach pieravodzić na płatnuju asnovu nie płanujecca. Fakultatyŭnyja zaniatki ŭ škołach uvachodziać u asobny śpis. Mnohija ź ich vykarystoŭvajucca vučniami i nastaŭnikami jak dadatkovyja zaniatki pa pradmietach, na niekatorych ź ich idzie padrychtoŭka da alimpijad abo testaŭ.

Pavodle źviestak Minadukacyi, u Biełarusi pracujuć 353 ustanovy dadatkovaj adukacyi dziaciej i moładzi, dzie zajmajucca bolš čym 400 tys. navučencaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH