«Dla ŭsich chakieistaŭ, jakija prybyli ŭ raźmiaščeńnie nacyjanalnaj zbornaj i ŭziali ŭdzieł u alimpijskaj kvalifikacyi, vystupleńnie za svaju krainu było spravaj honaru, a nie hrošaj» — z takoj zajavaj pad zahałoŭkam «Da ŭvahi hramadskaści!» vystupiła 12 lutaha Fiederacyja chakieja Biełarusi.
Nahodaj dla zajavy staŭ artykuł karespandenta haziety «Priessboł» Siarhieja Novikava Slovenia, u jakim jon paviedamiŭ, što «nazaŭtra paśla paražeńnia našych chakieistaŭ ad słaviencaŭ byŭ vielmi ŭražany padrabiaznaściu, pačutaj z vusnaŭ statusnaha spartyŭnaha kiraŭnika. Akazvajecca, pierad adjezdam na alimpijskuju kvalifikacyju ŭ Vojens zbornaja Biełarusi rubam staviła pytańnie ab premijalnych — paŭmiljona dołaraŭ „na kruh“ za traplańnie ŭ Sočy».
U suviazi z hetym FCHRB «vykazvaje ździŭleńnie materyjałam».«Ad imia chakieistaŭ zbornaj kamandy Biełarusi i trenierskaha štaba» fiederacyja «kampietentna zajaŭlaje, što nacyjanalnaja zbornaja kamanda Biełarusi pa chakiei nie vystaŭlała patrabavańni ab premijalnych za ŭdzieł i vychad kamandy na Alimpijskija hulni 2014».
«Zakon ab ŚMI daje žurnalistu prava nie raskryvać krynicu infarmacyi, čym ja ŭ hetym vypadku i pakarystajusia, — zajaviŭ BiełaPAN Novikaŭ.— U dapaŭnieńnie mahu skazać tolki adno: vykazvańnie, na jakoje ja spasłaŭsia, było zroblena ŭ publičnym poli, padčas mierapryjemstva aficyjnaha charaktaru. Akramia mianie na im prysutničała niekalki dziasiatkaŭ čałaviek».
Biełaruskija chakieisty nie trapili na Alimpijadu ŭ Sočy, zaniaŭšy druhoje miesca ŭ svajoj adboračnaj hrupie.
0
0
0
0
0
0
