U UDFR KDK Bresckaj vobłaści padličyli košt kantrabandnaha tavaru, źniataha z zatrymanaj u Małaryckim rajonie Audi A6, -- 3,127 młrd rubloŭ.
Heta samaja bujnaja partyja kantrabandnaha tavaru vyjaŭlenaja bresckimi pamiežnikami ŭ 2013 hodzie.
Audi A6 biez rehistracyjnych numaroŭ, nabituju tavaram, bresckija pamiežniki z supracoŭnikami UDAI UUS Bresckaha abłvykankama i śpiecpadraździaleńnia OSV DPS "Buh" zatrymali 10 lutaha kala 23.00 u vioscy Dubok Małaryckaha rajona.
Da svajho vajažu kiroŭca Audi -- 26 hadovy niepracujučy žychar Małaryckaha rajona -- padrychtavaŭsia hruntoŭna: abraŭ ciomny čas sutak, źniaŭ z mašyny rehistracyjnyja numary, ekipavaŭ jaje šypavanymi šynami i štorkami na voknach. Adnak dastavić kantrabandu da miesca pryznačeńnia jamu nie ŭdałosia.
Ahułam z aŭtamabila vyniali bolš za 20 karobak darahoj elektratechniki Apple i inšych zachodnich firmaŭ, siarod jakich była i partyja žanočaj bializny.Uvieś tavar pieradali va UDFR KDK Bresckaj vobłaści.
Padstavaj dla kanfiskacyi tavaru źjaviłasia adsutnaść u kiroŭcy adpaviednych dakumientaŭ. Sam jon rastłumačyŭ, što tavar jamu nie naležyć i što jon uziaŭsia dastavić jaho za ŭznaharodžańnie.U pamiežnikaŭ jość padstavy mierkavać, što hety tavar u Biełaruś byŭ ŭviezieny z Ukrainy ŭ abychod punktaŭ propusku.
0
0
0
0
0
0
