Amierykanskišok-rokier Merylin Mensan, jaki vystupaŭ u Minsku z kancertam 21 śniežnia, straciŭ prytomnaść padčas svajho vystupu ŭ kanadskim horadzie Saskatun 6 lutaha.
Padčas vykanańnia pieśni Beautiful People Mensana niekalki razoŭ zvanitavała, zatym jon zhubiŭ raŭnavahu i pavaliŭsia. Paśla jon pasprabavaŭ padniacca, ale niaŭdała, i Mensan straciŭ prytomnaść.
Hurt praciahvaŭ hrać, a publika — plaskać, bo im zdavałasia, što ŭsio, što adbyvajecca — častka šou.Nieŭzabavie stała zrazumieła, što heta nie tak. Paśla hetaha Mensanu była akazana miedycynskaja dapamoha.
Vyśvietliłasia, što ŭ muzyki hryp, i jon drenna pačuvaŭsia ŭvieś dzień 6 lutaha, adnak admoviŭsia admianić abo adkłaści svoj kancert.
Paśla incydentu artyst nie pajechaŭ u balnicu, a zastaŭsia prychodzić u siabie ŭ svaim numary.Mensan pačuvajecca «źniasilenym», adnak nie pakidaje namieru vystupić siońnia, 8 lutaha, u inšym kanadskim horadzie — Kałhary.
