Rasijcy stvarajuć 10 drevaapracoŭčych pradpryjemstvaŭ u Šumilinie 4

Jak stała viadoma ej.by, rasijskija inviestary stvarajuć u Šumilinie bujny drevaapracoŭčy kompleks. Miarkujecca, što ahulny abjom inviestycyj składzie kala 15 młn jeŭra.

Jak raskazaŭ namieśnik staršyni Šumilinskaha rajvykankama Viktar Doktaraŭ, rasijcy nabyli na aŭkcyjonie aračnik, jaki raniej naležaŭ rajsielhaschimii, i na bazie hetych płoščaŭ źbirajucca arhanizavać ułasnuju vytvorčaść. Novy drevaapracoŭčy kompleks budzie ŭklučać u siabie dziesiać pradpryjemstvaŭ. Pieršaje ź ich — «IskPoisk» — zarehistravanaje ŭ rajonie jašče ŭ 2010 hodzie. U kancy minułaha hoda da jaho dadalisia pradpryjemstvy «Bivier Trejd» i «Vud Uokier», zaklikanyja zajmacca stalarnymi pracami, suškaj piłamateryjałaŭ, a taksama prodažam hatovych vyrabaŭ. Jašče siem pradpryjemstvaŭ, jakija buduć stvoranyja i abjadnanyja ŭ kompleks, zojmucca vytvorčaściu acylindravanaha brusa, draŭniana-palimiernych kampazitaŭ, vyrabam voknaŭ i kanstrukcyj dachaŭ, pieravozkaj i inšaj dapamožnaj dziejnaściu.

Inviestar užo nabyŭ u Italii sučasnaje sušylnaje abstalavańnie, jakoje ŭ lutym płanujecca dastavić u Šumilina. Miarkujecca, što ŭ pradpryjemstvach novaha drevaapracoŭčaha kompleksu znojduć sabie pracu kala 400 čałaviek.

Pa słovach Viktara Doktarava, drevaapracoŭčy kompleks — nie adzinaja novaja vytvorčaść, jakaja sioleta źjavicca ŭ rajonie. TAA «Aljanspłast» nabyło na aŭkcyjonie były cech zavoda «Vistan», dzie źbirajecca arhanizavać vytvorčaść płastmasavych vyrabaŭ. Jość i inšyja napracoŭki. Ahułam u hetym hodzie Šumilinski rajvykankam choča pryciahnuć u ekanomiku nie mienš za 1,5 młn dalaraŭ naŭprostych zamiežnych inviestycyj.

Najbujniejšyja drevaapracoŭčyja prajekty, jakija realizujucca zamiežnymi inviestarami ŭ Biełarusi

BRW (Polšča)

Vytvorčaść mebli ŭ Breście i dystrybucyja mebli ŭ Biełarusi i Rasii.

VMG (Litva)

Lesanarychtoŭčaja dziejnaść, vytvorčaść DSP, korpusnaj mebli, klejenaj faniery, smały, budaŭničaj draŭniny i ščytoŭ u Mahilovie i Barysavie.

Kronospan Holding (Aŭstryja)

Lesanarychtoŭčaja dziejnaść, zavody pa vytvorčaści draŭnianastružkavych plit i padłohavych pakryćciaŭ u Smarhoni (Hrodzienskaja vobłaść) i Mahilovie.

SBA (Litva)

Vytvorčaść korpusnaj mebli ŭ Mahilovie.

Woodbakers (Estonija)

Lesanarychtoŭčaja dziejnaść, vytvorčaść piłamateryjałaŭ, pielet.

0

0

0

0

0

0

ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH