Pavialičvajecca płan naboru ŭ BDU 1

U paraŭnańni ź minuły hodam pavialičany płan pryjomu abituryjentaŭ u Biełaruski dziaržaŭny ŭniviersitet.

Jak paviedamiła pres-słužba BDU, heta źviazana z płanami pa adkryćci šerahu novych pryradaznaŭča-navukovych śpiecyjalnaściaŭ, pieralik jakich pakul razhladajecca ŭ Ministerstvie adukacyi.

Na dzionnuju biudžetnuju formu płanujecca pryniać 2.048 studentaŭ, tady jak u 2012 hodzie było pryniata 2.024 čałavieki.

U tym liku na pryradaznaŭča-navukovyja śpiecyjalnaści zapłanavana pryniać 1.273 čałavieki (u 2012-m było 1.251). Na sacyjalna-ekanamičnyja i humanitarnyja śpiecyjalnaści sioleta płanujecca pryniać 775 čałaviek. U 2012 hodzie było zaličana 772. Na płatnuju dzionnuju formu navučańnia płanujecca pryniać 2.514 čałaviek (u 2012 hodzie — 2.107). Na płatnuju zavočnuju formu navučańnia sioleta płanujecca zaličyć 1.931 čałavieka (u 2012 hodzie było pryniata 1.689 čałaviek).

Razam z tym, na zavočnuju biudžetnuju formu navučańnia płanujecca pryniać krychu mienš studentaŭ — 400, tady jak u 2012 hodzie było zaličana 405 čałaviek.

Skarocicca taksama płan naboru na vajenny fakultet, dzie padrychtoŭka budzie ažyćciaŭlacca pa čatyroch śpiecyjalnaściach i kirunkach: radyjacyjnaja, chimičnaja i bijałahičnaja abarona; hieainfarmacyjnyja sistemy vajennaha pryznačeńnia, prykładnaja kryptahrafija, juryskonsulckaja praca ŭ vajennaj śfiery. Pry hetym u 2012 hodzie padrychtoŭka viałasia pa siami śpiecyjalnaściach i kirunkach.

Adnoj z asablivaściaŭ pryjomnaj kampanii hetaha hoda budzie pavieličeńnie pryjomu na skaročanuju formu navučańnia vypusknikoŭ ustanoŭ siaredniaj śpiecyjalnaj adukacyi.

Pryjom takich abituryjentaŭ płanujecca ažyćciaŭlać pa vaśmi śpiecyjalnaściach. Dla paraŭnańnia: letaś pryjom ažyćciaŭlaŭsia pa troch śpiecyjalnaściach.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH