Dva «Aŭdzi» raźbity ŭščent, ad taho što adno ź ich prajazdžała zavarot na zavialikaj chutkaści 3

Dva litoŭcy sutyknulisia 31 studzienia ŭ Astravieckim rajonie kala vioski Varona.

Kiroŭca «Aŭdzi-100» nie skinuŭ chutkaści pierad nievialikim zakruhleńniem darohi, paviedamlaje Aleh Duk, staršy inśpiektar DAI Hrodzienskaha HUUS. U vyniku na mokrym asfalcie jaho paviało na druhi bok darohi. Kiroŭca «Aŭdzi-A4», bačačy, jak na jaho niasie sustrečny aŭtamabil, staŭ sychodzić naleva. Sprabavaŭ abjechać jaho pa sustrečcy.

Dziakujučy jahonaj dobraj reakcyi mašyny nie sutyknulisia łob u łob. Adnak i całkam raźminucca nie ŭdałosia, mašyny stuknulisia pravymi bakami i ich raźviarnuła ŭ zvarotnych kirunkach. Kiroŭcu «Aŭdzi-100» i pasažyra ź piaredniaha siadzieńnia «Aŭdzi-A4» daviałosia špitalizavać.

Darečy, pad abiŭkaj «Aŭdzi-100» znajšli pački cyharet. Vidać, žychar Litvy padzarablaŭ kantrabandaj.

0

0

0

0

0

0

SH, inf. grodnonews.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH