Dadatkovyja kanikuły dla vučniaŭ 1-2 kłasaŭ projduć z 18 pa 24 lutaha

Dadatkovyja kanikuły dla vučniaŭ 1 i 2 kłasaŭ projduć z 18 pa 24 lutaha, paviedamiła pres-sakratar Ministerstva adukacyi Julija Vanina.

Pavodle jaje słoŭ, štohod u siaredzinie treciaj čverci dzietki z 1 i 2 kłasaŭ majuć mahčymaść dadatkova adpačyć adzin tydzień.

Takija kanikuły byli abvieščanyja ŭ Biełarusi tady, kali ŭpieršyniu ŭ škoły pryjšli pieršakłaśniki šaścihadovaha ŭzrostu.

Treciaja čverć źjaŭlajecca samaj praciahłaj u navučalnym hodzie. Mienavita tamu dla małych pravodziacca dadatkovyja kanikuły, što dapamahaje likvidavać pierahruzku i daje mahčymaść dzieciam adpačyć, adznačyła pres-sakratar.

U tych vypadkach, kali ŭ baćkoŭ niama mahčymaści pakidać dzicia na pieryjad kanikuł doma, navučency, jakija navučajucca na bazie daškolnych ustanoŭ, mohuć praciahnuć chodzić u dziciačyja sady.

Niekatoryja małyja zmohuć skarystacca mahčymaściu pajechać na vakacyi da babuli i dziaduli.

Akramia taho, pa zajavach baćkoŭ, navučency mohuć praciahnuć naviedvać škoły.

U nastaŭnikaŭ pačatkovych kłasaŭ i vychavalnikaŭ «pradlonki» ŭ hety čas zvyčajnyja pracoŭnyja dni, a značyć, jany znachodziacca na pracoŭnych miescach, i ŭ kiraŭnika navučalnaj ustanovy jość mahčymaść zadavolić zapyty baćkoŭ.

Stałovyja va ŭsich navučalnych ustanovach u hetyja dni pracujuć u zvyčajnym režymie, i dziaciej, jakija buduć naviedvać dadatkovyja hrupy, zabiaśpiečać svoječasovym charčavańniem. Apłata za charčavańnie biarecca jak zvyčajna.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH