Kampanija Apple ŭ aŭtorak, 29 studzienia, prezientavała płanšet iPad sa 128 hihabajtami ŭnutranaj pamiaci.
Płanšet pracuje na asnovie apieracyjnaj sistemy iOS 6.1, jakaja vyjšła 28 studzienia. Pryłada adnosicca da čaćviortaha pakaleńnia iPad - u jaje takija ž charaktarystyki (ekran, pracesar, apieratyŭnaja pamiać i h.d.), jak i ŭ płanšetaŭ, prezientavanych 23 kastryčnika 2012 h.
iPad sa 128 hihabajtami pamiaci pastupić u prodaž 5 lutaha. Viersija z Wi-Fi budzie kaštavać u ZŠA 799 dalaraŭ, a viersija z Wi-Fi i z sotavym modulem - 929 dalaraŭ.Kali aparat źjavicca ŭ rasijskich i biełaruskich kramach, nie paviedamlajecca.
Apple prapanuje aparaty iPad z 2010 hoda. Usie płanšety, anansavanyja da siońniašniaha dnia, mieli abo 16, abo 32, abo 64 hihabajtaŭ pamiaci.
U iPad, u adroźnieńnie ad mnohich pryładaŭ na Android, niama raźjomu dla padklučeńnia kart pamiaci.
0
0
0
0
0
0
