Viktoryja Azaranka druhi hod zapar pieramahaje na Australian Open! 69

Siońnia ŭ Mielburnie naša suajčyńnica ŭ troch setach pieramahła kitajanku Li Na (4:6, 6:4, 6:3).

Metr biełaruskaj kamientatarskaj spravy Uładzimir Navicki, vidać by, skazaŭ, što hulnia była validolna-karvałolnaj. Ad samaha pačatku hulnia lepš pajšła ŭ kitajanki (šostaja siejanaja). 2:5 dla Viki ŭ pieršym secie stała niepryjemnym padarunkam.

Ale ŭziataja svaja padača, vyjhryš čužoj padačy. I ŭžo 4:5. Adnak pieršy set Vika sastupiła jakraz na svajoj padačy.

Druhi set pačaŭsia bolš ŭpeŭniena. Azaranka adrazu ŭziała padaču supiernicy. Urešcie lik pa setach zraŭniaŭsia — 1:1.

Vyrašalny treci set taksama zastaŭsia za našaj suajčyńnicaj — 6:3. Ahułam matč praciahvaŭsia amal try hadziny.

Pieramožca atrymaje 2,5 miljony dalaraŭ. Taksama Azaranka zastajecca na 1-m radku suśvietnaha rejtynhu.

Varta adznačyć, što Viktoryja druhi hod zapar stanovicca najmacniejšaj mienavita na «zialonym kantyniencie». Letaś jana pieramahła ŭ finale ŭ Aŭstralii Maryju Šarapavu. «Aŭstralijan Oŭpen» — heta pieršy turnir hoda sieryi «Vialikaha šlema».

Pieramoha kaštoŭnaja jašče tym, što suprać Azaranki zaŭzieŭ, ci nie ŭvieś kort «Rod Łajvier Arena». Sprava ŭ tym, što Azaranka nastroiła šmat kaho suprać siabie miedycynskim tajm-aŭtam u paŭfinale suprać amierykanki Słoŭn Styviens.

Niekatoryja abvinavacili Viku ŭ simulacyi i navat prapanoŭvaŭ dyskvalifikavać z turniru.

Tamu Azaranka zmahałasia nie tolki z supiernicaj, ale ź i ź vialikim psichałahičnym ciskam.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH