Źnieśli dom Li Charvi Osvalda (zabojcy Kienedzi), jaki žyŭ u Minsku 7

Dom byŭ uźviedzieny ŭ 1925 h.

Pačapli buryć z taho boku, dzie była kvatery Li Charvi Osvalda

Žychary razabrali cehłu na suvieniry.

U Dałasie (ZŠA) źnieśli šmatkvaterny dvuchpaviarchovy kompleks, u jakim Li Charvi Osvald žyŭ niezadoŭha da zabojstva Džona Kienedzi. Buldozier pačaŭ łamać ścianu budynka mienavita z taho boku, dzie znachodziłasia kvatera zabojcy 35-ha prezidenta ZŠA.

Za znosam doma № 600 pa Ełśbiet-Stryt, u jakim Osvald z žonkaj Marynaj i dačkoj Džun žyŭ ź listapada 1962 pa sakavik 1963-ha, nazirali niešmatlikija amatary historyi i prosta cikaŭnyja hledačy.

Palicyja zabłakavała Ełśbiet-Stryt i prylehły zavułak, ale dazvoliła achvotnym zabrać cehłu razburanaha budynka (uźviedzieny ŭ 1925 h.), pišuć Dallas Morning News.

Kienedzi byŭ zastreleny ŭ Dałasie 22 listapada 1963 hoda.

Osvalda aryštavali ŭ toj ža dzień pa padazreńni ŭ zabojstvie prezidenta, a taksama palicejskaha, jaki spyniŭ jaho na vulicy. Praz dva dni pry pieravodzie mierkavanaha zabojcy, jaki admaŭlaŭ svaju vinu, z palicyi ŭ akruhovuju turmu jaho zastreliŭ ŭładalnik načnoha kłuba Džek Rubi.

Li Charvi Osvald u 1959 h. pryjechaŭ u SSSR i paprasiŭ tut palityčnaha prytyłku. Byŭ adpraŭleny ŭ Minsk,

dzie žyŭ ź listapada 1959 h. pa maj 1962 h.

Pracavaŭ na radyjozavodzie «Haryzont». Ažaniŭsia z Marynaj Prusakovaj. Siamja žyła ŭ domie na Kamunistyčnaj, pobač z praśpiektam Niezaležnaści. Tut, u Minsku, u Osvalda naradziłasia dačka Džun.

U mai 1962 h. Osvald i Prusakova padali dakumienty na vyjezd u ZŠA.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH