Sudovaje pasiadžeńnie pa spravie ab parušeńni arhanizataram «Słavianskaha maršu» Dźmitryjem Dzienisienkam paradku praviadzieńnia masavych akcyj praciahniecca 16 studzienia ŭ 12.00. Takoje rašeńnie 11 studzienia pryniała Taćciana Rubis, sudździa Leninskaha suda Mahilova, dzie prachodziać słuchańni.
Nahadajem,
25 listapada 2012 hoda ŭ Mahilovie prajšoŭ sankcyjanavany ŭładami «Słavianski marš». 7 śniežnia milicyja pradjaviła Dzienisienku abvinavačańni ŭ administracyjnym pravaparušeńni, pakolki dvoje ŭdzielnikaŭ akcyi byli ŭ maskach.Padčas akcyi nijakich pretenzij u suviazi z hetym supracoŭniki pravaachoŭnych orhanaŭ nie vykazvali. U toj ža čas jany zabaranili ŭdzielnikam vykarystoŭvać histaryčnuju simvoliku — «impierski ściah» Rasii.
Praces, raspačaty 4 studzienia, byŭ pieraniesieny na 11 studzienia pa chadajnictvie abvinavačanaha, jaki, admaŭlajučy svaju vinu, prasiŭ sudździu dać jamu čas na aznajamleńnie z materyjałami spravy. Anałahičnaje chadajnictva było vystaŭlena im i 11 studzienia, adnak sudździa adchiliŭ jaho, zajaviŭšy, što za minułyja dni ni Dzienisienka, ni jaho pradstaŭnik nie pryjšli ŭ sud znajomicca z dakumientami. Heta chadajnictva jana rascaniła jak sprobu zaciahnuć sudovy praces.
Na sudzie byli zasłuchany niepaŭnaletnija śviedki — udzielniki «Słavianskaha maršu», jakija, pavodle ich śviedčańniaŭ, znachodzilisia na akcyi ŭ maskach. Jany adznačali, što nie čuli, ci havaryŭ Dzienisienka pra niedapuščalnaść znachodžańnia ŭ maskach.Adzin sa śviedkaŭ, chłopiec 1997 hoda naradžeńnia, adkazvajučy na pytańnie Dzienisienki, zajaviŭ, što pratakoł u milicyi na jaho byŭ składzieny biez prysutnaści baćkoŭ ci inšych zakonnych pradstaŭnikoŭ.
Supracoŭnik Leninskaha RAUS Andrej Cieciarukoŭ, jaki taksama vystupaŭ u jakaści śviedki, śćviardžaŭ, što Dzienisienka bačyŭ, što na akcyi prysutničajuć udzielniki ŭ maskach, adnak nie pieraškadžaŭ hetamu.
U svaju čarhu arhanizatar akcyi zajaviŭ, što ŭ jaho drenny zrok — amal nie bačyć pravaje voka, tamu jon moh i nie bačyć ludziej u maskach.Dzienisienka taksama cikaviŭsia ŭ Cieciarukova, čamu supracoŭniki milicyi, zabaraniŭšy vykarystoŭvać histaryčnuju simvoliku, nie pieraškadžali parušeńniu paradku praviadzieńnia akcyi — udziełu ŭ joj ludziej u maskach.
«Vy sami pavinny sačyć za vykanańniem zakona», — zajaviŭ Cieciarukoŭ, adznačyŭšy, što rastłumačeńnie supracoŭnikami milicyi mahčymaści vykarystańnia simvoliki było ŭsiaho tolki rekamiendacyjaj, jakuju jany mahli i nie davać.
Na čarhovaje pasiadžeńnie Dźmitryj Dzienisienka abaviazany padać daviedku ź miedycynskaj ustanovy pra stan svajho zroku.