U mietro žorstka źbili invalida, jaki paprasiŭ sastupić miesca. Chulihanaŭ šukaje milicyja + fota, videa 60

Minskaja milicyja šukaje traich nieviadomych — dvuch chłopcaŭ i dziaŭčynu, jakija źbili invalida ŭ vahonie mietro, ​​paviedamili ŭ HUUS Minharvykankama.

«Viartajučysia ŭ supravadžeńni maci dadomu 2 studzienia, 40-hadovy minčanin (invalid 1-j hrupy) zajšoŭ u vahon mietro. Mužčyna adrazu źviarnuŭsia da adnaho z maładych ludziej z prośbaj sastupić miesca, bo jamu ciažka stajać z-za prablem z aporna-ruchalnym aparatam. Adnak u adkaz chłopiec tolki brudna vyłajaŭsia. Anałahičnaja reakcyja była i ad dziaŭčyny, što siadzieła pobač».

Sutyknuŭšysia z takoj reakcyjaj, invalid źbiraŭsia adyści ŭ bok, ale maładyja ludzi raptam nakinulisia na jaho z kułakami.

«Na praciahu niekalkich chvilin napadniki źbivali biezabaronnuju achviaru, naniosšy množnyja ŭdary rukami i nahami pa hałavie, tvary i ciele invalida.

Paśla hetaha jany kinuli paciarpiełaha na padłozie vahona i vyjšli na stancyi mietro «Płošča Pieramohi», — paviedamili ŭ milicyi.

Zaraz paciarpieły znachodzicca ŭ balnicy. Lekary pastavili jamu dyjahnaz «čerapna-mazhavaja traŭma siaredniaj stupieni». Taksama na ciele i tvary mužčyny — šmatlikija hiematomy, siniaki i rany.

Ahresiŭnaja kampanija trapiła ŭ abjektyŭ kamier videanazirańnia. Ciapier pravodzicca rabota pa ŭstanaŭleńni asob padazravanych.

HUUS apublikavała hetyja kadry na svaim sajcie i zaklikaje ŭsich, chto što-niebudź viedaje pra adlustravanych na fatahrafii i videazapisie maładych ludziach, patelefanavać u Partyzanski RUUS pa telefonach: 8 (044) 715-97-95, 8 (029) 870-72-77, 230-34-34, 230-44-40, 8 (029) 356-02-50, 8 (029) 861-05-50.

guvd.gov.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH