Sa žniŭnia pačniecca paetapnaje adklučeńnie anałahavaha viaščańnia 2

Jon udakładniŭ, što adklučeńnie anałahavaha viaščańnia pačniecca 1 žniŭnia sa stancyi ŭ Asipovičach (Mahiloŭskaja vobłaść). Zatym da śniežnia buduć adklučanyja jašče try stancyi: adna ŭ Žłobinie (Homielskaja vobłaść) i dźvie ŭ Mahiloŭskaj vobłaści.

Pavodle słoŭ śpiecyjalista, vybar stancyj byŭ zrobleny ŭ adpaviednaści ź dziejnym častotna-terytaryjalnym płanam. «My zrabili analiz taho, nakolki efiektyŭna i chutka možna vyzvalić častotnyja resursy dla ŭkaranieńnia naziemnaha kamiercyjnaha televizijnaha viaščańnia. Adnak u mietrovym dyjapazonie na hetych stancyjach anałahavaje viaščańnie zachavajecca, i toj, chto pakul nie hatovy da ličbavaha viaščańnia, zmoža pieranastroić televizar ci pieraaryjentavać svaje anteny», — padkreśliŭ Kudyrka.

Pavodle jaho infarmacyi, na kaniec 2012 hoda ŭ Biełarusi pracujuć 64 televizijnyja stancyi, jakija zabiaśpiečvajuć zonu ŭpeŭnienaha pryjomu telesihnału 95,063% nasielnictva. «Kožny nastupny pracent vielmi doraha kaštuje. Dla jaho zabieśpiačeńnia nieabchodna ŭvodzić šmat stancyj», — zaznačyŭ Kudyrka.

Jon paviedamiŭ, što ŭ 2013 hodzie płanujecca ŭvieści ŭ ekspłuatacyju 11 pieradajučych stancyj, što pavialičyć achop nasielnictva telesihnałam da 97,1%. U 2014–2015 hadach praduhledžvajecca padklučyć jašče 23 stancyi.

Na zabieśpiačeńnie pieradajučaj častki ličbavaha viaščańnia vydzielena 20 młrd. rubloŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH